କଟକ: ଓଡ଼ିଶାରେ ବେଆଇନ ଲୁହାପଥର ଉତ୍ତୋଳନ ମାମଲାରେ ପୂର୍ଣ୍ଣଛେଦ ଟାଣିଲେ ଓଡ଼ିଶା ହାଇକୋର୍ଟ । ସୁପ୍ରିମକୋର୍ଟରେ ସମାନ ମାମଲା ଚାଲୁଥିବାରୁ ଓଡ଼ିଶା ହାଇକୋର୍ଟ ମାମଲାକୁ ବନ୍ଦ କରିଛନ୍ତି । ସୁପ୍ରିମକୋର୍ଟଙ୍କ ନିକଟରେ ଏହି ମାମଲାକୁ ନେଇ ସମସ୍ତ ଗ୍ରାଉଣ୍ଡ ଉପସ୍ଥାପିତ କରିବାକୁ ପରାମର୍ଶ ଦେଇଛନ୍ତି ହାଇକୋର୍ଟ ।
ସୁପ୍ରିମକୋର୍ଟରେ ବେଆଇନ ଲୁହାପଥର ଖନନକୁ ନେଇ ଦୁଇଟି ମାମଲା ଜାରି ହୋଇଛି । କମନ କଜ୍ (common cause) ବନାମ ଭାରତ ସରକାର(govt. of India) ଅନ୍ୟ ଏକ ମାମଲା ପ୍ରଫୁଲ୍ଲ ସାମନ୍ତରା ବନାମ ଭାରତ ସରକାର (govt of India) ଦୁଇଟି ମାମଲା ଚାଲୁ ରହିଛି । ଓଡ଼ିଶାରେ କେତେ ବେଆଇନ ଲୁହାପଥର ଉତ୍ତୋଳନ ହୋଇଛି ତାର ତଦନ୍ତ କମିଶନ ପାଇଁ ଆବେଦନ କରାଯାଇଥିଲା ।
ଏଥିପାଇଁ ହାଇକୋର୍ଟଙ୍କ ଅବସରପ୍ରାପ୍ତ ବିଚାରପତିଙ୍କୁ ନେଇ ଏସଆଇଟି ଗଠନ ସହ ୧୦ ଜଣିଆ ଏକ୍ସପର୍ଟ କମିଟି ଗଠନ ପାଇଁ ହୋଇଥିଲା ନିବେଦନ । ଦୁଇଟି ମାମଲାରେ ଆବେଦନକାରୀଙ୍କୁ ସୁପ୍ରିମକୋର୍ଟରେ ଆବେଦନ କରିବାକୁ ହାଇକୋର୍ଟ ପରାମର୍ଶ ଦେଇଛନ୍ତି। ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
