କଟକ: ଘୋଷଣା ହେଲା ଓଡିଶା କ୍ରିକେଟ ଆସୋସିଏସନର (OCA) ସିନିୟର ମହିଳା ଓ 19 ବର୍ଷରୁ କମ ମହିଳା ଦଳ । BCCI ର ଆସନ୍ତା ସେପ୍ଟେମ୍ବର ଓ ଅକ୍ଟୋବର ମଧ୍ୟରେ ଖେଳାଯିବାକୁ ଥିବା ଘରୋଇ ସିଜିନରେ ଏହି ଟିମ କରିବ ପଦର୍ଶନ । ଏନେଇ ଓଡିଶା କ୍ରିକେଟ ସଙ୍ଘ ଟିମ୍ ଘୋଷଣା କରିଛି ।
ଟ୍ରାଏଲ ମ୍ୟାଚରୁ ସମସ୍ତ ଦକ୍ଷ ଖେଳାଳି ହୋଇଛନ୍ତି ଚୟନ । ସିନିୟର ମହିଳା ଦଳ ପାଇଁ 18 ଜଣ ଖେଳାଳି ହୋଇଛନ୍ତି ଚୟନ । ସିନିୟର ଟିମରେ ମଧୁସ୍ମିତା ବେହେରା ଅଧିନାୟକ ରହି ଥିବାବେଳେ ମାଧୁରୀ ମେହେଟ୍ଟାଙ୍କୁ ଉପଅଧିନୟକ ଦାୟିତ୍ବ ଦିଆଯାଇଛି । ସେହିପରି 19 ବର୍ଷରୁ କମ ମହିଳା ଦଳରେ ରହିଛନ୍ତି 20 ଦକ୍ଷ ଖେଳାଳି । ସୁଭଦ୍ରା ସ୍ୱାଇଁଙ୍କୁ ଅଧିନୟକ କରାଯାଇ ଥିବାବେଳେ ଜି ଏମ ଅଳକାନନ୍ଦା ଉପଅଧିନୟକ ହୋଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
