କଟକ: ହାଇକୋର୍ଟରେ ପହଞ୍ଚିଲା ପୌର ନିର୍ବାଚନ ମାମଲା । ନିର୍ବାଚନ କମିଶନଙ୍କୁ ନୋଟିସ ଜାରି କଲେ ହାଇକୋର୍ଟ । ଚାରି ସପ୍ତାହ ମଧ୍ୟରେ ଜବାବ ଦାଖଲ ପାଇଁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ ।
ପୌର ନିର୍ବାଚନ ମାମଲା, କମିଶନଙ୍କୁ ମାସେ ସମୟ ଦେଲେ ହାଇକୋର୍ଟ
ଆଜି ନିର୍ବାଚନକୁ ନେଇ ତିନୋଟି ପୃଥକ ପୃଥକ ମାମଲାର ଏକତ୍ର ଶୁଣାଣି କରିଛନ୍ତି ହାଇକୋର୍ଟ । ମାମଲା ପରିଚାଳନା କରୁଛନ୍ତି ବରିଷ୍ଠ ଆଇନଜୀବୀ ପିତାମ୍ବର ଆଚାର୍ଯ୍ୟ । ରାଜ୍ୟରେ ପୌର ନିର୍ବାଚନକୁ ନେଇ କଟକ, ପୁରୀ ଓ ଭୁବନେଶ୍ୱରର ବାସିନ୍ଦା ୩ଟୁ ମାମମଲା ରୁଜୁ କରିଥିଲେ । କଟକରୁ ପୁର୍ବତନ ମନ୍ତ୍ରୀ ସମୀର ଦେ, ପୁରୀରୁ ବିଧାୟକ ଜୟନ୍ତ ଷଡ଼ଙ୍ଗୀ ଓ ଭୁବନେଶ୍ୱରରୁ ପ୍ରସନ୍ନ କୁମାର ମିଶ୍ର ମାମଲା ଦାୟର କରିଥିଲେ ।
ଏହାର ଶୁଣାଣି କରି ହାଇକୋର୍ଟ ଆଜି ନିର୍ବାଚନ କମିଶନଙ୍କୁ ନୋଟିସ୍ ଜାରି କରିଛନ୍ତି । ଆସନ୍ତା ୪ ସପ୍ତାହ ମଧ୍ୟରେ ଜବାବ ରଖିବାକୁ ନିର୍ଦ୍ଦେଶ ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
