କଟକ: କୌଣସି ଦିଗରେ କମ ନୁହଁନ୍ତି ଦୃଷ୍ଟିବାଧତା ଛାତ୍ରଛାତ୍ରୀ । ସମାଜରେ ସେମାନଙ୍କ ରହିଛି ଅନେକ ଦାୟିତ୍ୱ । ଶିକ୍ଷା ଦିଗରେ ସେମାନେ ଆଗକୁ ଯାଇ ଓଡିଶାକୁ କରିବେ ଗୌରବାନ୍ବିତ। ତେବେ ଏହି କ୍ରମରେ ଆଜି ରାଜ୍ୟ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟରେ 37 ମେଧାବୀ ଛାତ୍ରଛାତ୍ରୀଙ୍କୁ ଲାପଟପ ପ୍ରଦାନ କରାଯାଇଛି । ଏହାସହ 10 ଦିବ୍ୟାଙ୍ଗ ଦମ୍ପତିଙ୍କୁ 50 ହଜାର ଲେଖାଁଏ ଆର୍ଥିକ ସହାୟତା ସହ ଲାପଟପ ମଧ୍ୟ ପ୍ରଦାନ କରାଯାଇଛି ।
ଦୃଷ୍ଟିହୀନ ଛାତ୍ର ଛାତ୍ରୀଙ୍କୁ ଲ୍ୟାପଟପ ପ୍ରଦାନ
ଯାହାଦ୍ୱାରା ସେମାନଙ୍କ ଜୀବନ ଆଗକୁ ଯାଇ ବେଶ ଉନ୍ନତ ହୋଇପାରିବ । ଏହାଛଡ଼ା ଏହି ପ୍ରୋତ୍ସାହନ ପ୍ରକ୍ରିୟା ଆଗକୁ ଜାରି ରହିବ । ଯାହାଦ୍ୱାରା ସମାଜର ବିକାଶ ହୋଇ ପାରିବ ବୋଲି କହିଛନ୍ତି ଏହି ଉତ୍ସବରେ ଉପସ୍ଥିତ ଅତରିକ୍ତ ଜିଲ୍ଲାପାଳ ।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
