କଟକ: ଶ୍ରୀରାମ ଅଳଙ୍କାର ଦୋକାନରୁ ଲୁଟ ଘଟଣାରେ ଦୁଇ ଅଭିଯୁକ୍ତ ଗିରଫ ହୋଇଛନ୍ତି । ଗତ ବୁଧବାର ରାତିରେ ସିଡିଏ ସେକ୍ଟର-6 ଅଞ୍ଚଳରେ ଥିବା ଶ୍ରୀରାମ ଅଳଙ୍କାର ଦୋକାନରୁ ଲୁଟ ଘଟଣାରେ ଶୁକ୍ରବାର 2 ଜଣ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ ପୋଲିସ । 2 ଅଭିଯୁକ୍ତ ହେଉଛନ୍ତି ଗଞ୍ଜାମ ଜିଲ୍ଲାର ଟୁନା ଦାସ ଓ କେ. ଶ୍ୟାମ ସୁନ୍ଦର ରାୟ ।
ସୂଚନାଯୋଗ୍ୟ, ଗତ ବୁଧବାର ରାତି ପ୍ରାୟ 9 ଟାରେ ଗ୍ରାହକ ସାଜି 3 ଜଣ ଶ୍ରୀରାମ ଅଳଙ୍କାର ଦୋକାନକୁ ପସି ଭଉଣୀ ବାହାଘର ପାଇଁ ସୁନା କିଣିବାକୁ ଆସିଥିବା କହିଥିଲେ । ତେବେ ସୁନା ଦୋକାନୀ ସୁନା ଗହଣା ଦେଖାଇବା ମାତ୍ରେ ବନ୍ଧୁକ ଓ ଛୁରୀ ଦେଖାଇ ସୁନା ଗହଣା ଲୁଟି ନେଇ ଫେରାର୍ ହୋଇଥିଲେ ।
ତେବେ ଏହି ଘଟଣାରେ ପୋଲିସ ଶୁକ୍ରବାର ନରାଜ ନିକଟରୁ 2 ଅଭିଯୁକ୍ତଙ୍କୁ ଗିରଫ କରିଥିବା ସହ ସେମାନଙ୍କ ଠାରୁ ଗୋଟିଏ ହୁଣ୍ଡାଇ କାର, ଗୋଟିଏ ଫୋନ, ଏକ ହଜାର ଟଙ୍କା, ସାଢେ 6 ଗ୍ରାମର 2ଟି ସୁନା କାନ ଫୁଲ ଓ ଗୋଟିଏ ଗୋଳଡେନ ରଙ୍ଗର ଭିଭ ମୋବାଇଲ ଫୋନ ଜବତ କରିଛି।
କଟକରୁ ନାରାୟଣ ସାହୁ, ଇଟିଭି ଭାରତ
