କଟକ: ସ୍ଥାନୀୟ ଶ୍ରୀକ୍ଷେତ୍ର ଆଶ୍ରମରୁ 5 କେଜି ଚନ୍ଦନ କାଠ ଜବତ କଲା ଚୌଦ୍ବାର ପୋଲିସ । ଚୈଦ୍ବାର ଥାନା ଅନ୍ତର୍ଗତ କରଞ୍ଜି ଗ୍ରାମରେ ଥିବା ଶ୍ରୀକ୍ଷେତ୍ର ଆଶ୍ରମରୁ 5 କେଜି ଚନ୍ଦନ କାଠ ଜବତ ହୋଇଥିବା ବେଳେ ଜଣଙ୍କୁ ଗିରଫ କରିଛି ଚୌଦ୍ବାର ଥାନା ପୋଲିସ । ଗିରଫ ଅଭିଯୁକ୍ତ ଜଣଙ୍କ ବଡ କୃଷ୍ଣପୁର ଗ୍ରାମର ଡମ୍ବୁରଧର ସ୍ବାଇଁ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବେଆଇନ ଭାବେ ଚନ୍ଦନ କାଠ ଚୋରା ଚାଲାଣ ହେଉଥିବା ନେଇ ଗୁରୁବାର ଚୌଦ୍ବାର ପୋଲିସ ବିଶେଷ ସୁତ୍ରରୁ ଖବର ପାଇଥିଲେ । ଏହି ଆଧାରରେ ଚୈଦ୍ବାର ଥାନା ଏଏସଆଇ ସତ୍ୟଜିତ ସନାପତିଙ୍କ ସହିତ ଅନ୍ୟ କର୍ମଚାରୀ ଆଶ୍ରମରେ ଚଢ଼ାଉ କରିଥିଲେ ।
ଚଢାଉ ବେଳେ 5 କେଜି ଚନ୍ଦନ କାଠ, ଗୋଟିଏ ଦୁଇ ଚକିଆ ଯାନ, ଗୋଟିଏ ଦେଶୀ ବନ୍ଧୁକ ଜବତ ହୋଇଥିବା ବେଳେ ଅଭିଯୁକ୍ତ ଡମ୍ବୁରଧର ସ୍ବାଇଁକୁ ଗିରଫ କରିଛି ପୋଲିସ । ଏହି ଘଟଣା ନେଇ ପୋଲିସ ଅଧିକ ତଦନ୍ତ ଜାରି ରଖିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
