କଟକ: ବରିଷ୍ଠ ଆଇପିଏସ ତଥା ଏଚଆରପିସିର ଆଇଜି ଏନ ବି ଭାରତୀଙ୍କ କାର୍ଯ୍ୟାଳୟରେ ବୁଧବାର ଗୃହବିଭାଗ ପକ୍ଷରୁ ଲଟକା ଜାରି କରାଯାଇଛି । ବାରମ୍ବାର ତାଗିଦ ସତ୍ବେ ହାଜର ନ ହେବାରୁ ଗୃହ ବିଭାଗ ଏହି ଲଟକା ଜାରି କରିଥିବା ଜଣାପଡିଛି ।
ଏନ ବି ଭାରତୀଙ୍କ କାର୍ଯ୍ୟାଳୟରେ ଗୃହ ବିଭାଗର ଲଟକା ଜାରି
ବିନା ଅନୁମତିରେ ଦୀର୍ଘ ସମୟ ଧରି କାର୍ଯ୍ୟାଳୟରେ ଅନୁପସ୍ଥିତ ରହିବା ଅଭିଯୋଗରେ ତାଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ପାଇଁ ପକ୍ରିୟା ଆରମ୍ଭ ହୋଇଥିଲା । ତାଙ୍କ ବିରୋଧରେ ନିର୍ଦ୍ଦିଷ୍ଟ କଣ ଅଭିଯୋଗ ରହିଛି ଏବଂ ସେ ସମ୍ପର୍କରେ କଣ ତଥ୍ୟ ପ୍ରମାଣ ରହିଛି, ତାହା ତାଙ୍କୁ ଲିଖିତ ଭାବେ ଜଣାଇ ଦିଆଯାଇଥିଲା । ସେ ଏ ନେଇ ଶୃଙ୍ଖଳାଗତ କମିଟି ସହିତ କୌଣସି ଯୋଗଯୋଗ କରିନଥିଲେ କିମ୍ବା ମାମଲାରେ ନିଜର ପକ୍ଷ ରଖି ନଥିଲେ । ଶେଷରେ ବାଧ୍ୟ ହୋଇ ଗୃହ ବିଭାଗ ପକ୍ଷରୁ କଟକ ସ୍ଥିତ ପୋଲିସ ମୁଖ୍ୟାଳୟରେ ରହିଥିବା ଏନ ବି ଭାରତୀଙ୍କ କାର୍ଯ୍ୟାଳୟରେ ଲଟକା ଜାରି କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
