କଟକ: ଡକାୟତି ମାମଲାରେ ଜଗତପୁର ପୋଲିସ ଦୁର୍ଦ୍ଦାନ୍ତ ଅପରାଧୀ ମନୋଜ ପାତ୍ରକୁ ଧରିବା ପାଇଁ ଛାନଭିନ ଚଳାଇଥିଲା । ମନୋଜ ଗତକାଲି (ବୁଧବାର) କାରଯୋଗେ କେନ୍ଦ୍ରପଡା ଅଭିମୁଖେ ଯାତ୍ରା କରୁଥିଲା । ପୋଲିସ କୌଣସି ସୂତ୍ରରୁ ଖବର ପାଇ ଗାଡିଟିକୁ ଅଟକାଇବାରୁ ଗାଡି ଭିତରୁ ପ୍ରଥମେ ଆକ୍ରମଣ ହୋଇଥିଲା । ଫଳରେ ପୋଲିସ ନିଜର ସୁରକ୍ଷା ପାଇଁ ପାଲଟା ଗୁଳି ଚାଳନା କରିଥିଲା । ଏହି ଏନକାଉଣ୍ଟରରେ ମନୋଜର ଡାହାଣ ଗୋଡରେ ଗୁଳି ବାଜିବାରୁ ସେ ଆହତ ହୋଇଛି ।
ପୋଲିସ ଗୁଳିରେ ଦୁର୍ଦାନ୍ତ ଅପରାଧୀ ଆହତ
ମନୋଜକୁ ପୋଲିସ କାବୁ କରି ଆହତ ଅବସ୍ଥାରେ ଏସସିବି ମେଡିକାଲରେ ଭର୍ତ୍ତି କରିଛି । ବର୍ତ୍ତମାନ ମନୋଜର ସ୍ବାସ୍ଥ୍ୟବସ୍ଥା ସ୍ବଭାବିକ ଥିବା ସୂଚନା ଦେଇଛନ୍ତି କଟକ ଡିସିପି ଅଖିଳେଶ୍ବର ସିଂହ ।
ପ୍ରକାଶ ଥାଉ କି, ଗତ ଜୁନ 28 ତାରିଖରେ ଜଗତପୁର ଥାନା ଅଞ୍ଚଳରେ ଜଣେ ଶିଳ୍ପପତିଙ୍କ ଘରୁ ଡକାୟତି ହୋଇଥିଲା। ଏହି ଡକାୟତି ଘଟଣାରେ ଦୁର୍ଦ୍ଦାନ୍ତ ଅପରାଧୀ ମନୋଜର ସମ୍ପୃକ୍ତି ଥିବା ପୋଲିସ ତଦନ୍ତରୁ ଜାଣିବାକୁ ପାଇଥିଲା ।
କଟକରୁ ନାରାୟଣ ସାହୁ ଇଟିଭି ଭାରତ
