କଟକ: ସିଲଭରସିଟିରେ ବଢୁଛି ନକଲି କାରଖାନାର ସଂଖ୍ୟା । ଏହାରି ଭିତରେ 25ରୁ ଊର୍ଦ୍ଧ୍ବ ନକଲି କାରଖାନା ଠାବ କରି ସାରିଲାଣି କମିଶନରେଟ ପୋଲିସ । ଆଜି(ମଙ୍ଗଳବାର) ପୁଣି ଏକ ନକଲି ସିମେଣ୍ଟ କାରଖାନା ଠାବ କରିଛି ପୋଲିସ । ଜଗତପୁରସ୍ଥିତ ଖଇରା ପୋଲ ନିକଟରେ ଏହି ନକଲି କାରଖାନା ଦୀର୍ଘ ବର୍ଷ ଧରି ଚାଲି ଆସୁଥିଲା ।
ସିଲଭରସିଟିରେ ପୁଣି ଠାବ ହେଲା ନକଲି ସିମେଣ୍ଟ କାରଖାନା
ତେବେ ପୋଲିସର ସନ୍ଦେହ ହେବା ପରେ ଆରମ୍ଭ ହୋଇଥିଲା ଯାଞ୍ଚ । ଆଉ ଯାଞ୍ଚରୁ ନକଲି ବା ଅପମିଶ୍ରିତ କାରଖାନା ବୋଲି ସ୍ପଷ୍ଟ ହୋଇଥିଲା । ତେବେ ଏହି ମାମଲାରେ ମାଲିକ ସଞ୍ଜୟ ଭୋଳ ଫେରାର ଥିବା ନେଇ ପୋଲସ ପକ୍ଷରୁ ସୂଚନା ମିଳିଛି । ଏକ ମିନିଟ୍ରକ ଓ ଲକ୍ଷ ଲକ୍ଷ ଟଙ୍କାର ନକଲି ସିମେଣ୍ଟ ଓ ଅନ୍ୟାନ୍ୟ ସମଗ୍ରୀକୁ ଆଜି ସିଜ୍ କରିଛି ଜଗତପୁର ଥାନା ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
