କଟକ: ତିର୍ତ୍ତୋଲ ନିର୍ବାଚନ ମଣ୍ଡଳୀ ପାଇଁ ଖୁବଶୀଘ୍ର ହେବ ଉପନିର୍ବାଚନ । ସେଥିପାଇଁ ରାଜନୈତିକ ସ୍ଥରରେ ଆରମ୍ଭ ହୋଇଗଲାଣି ଅଙ୍କକଷା କଷି । ସମସ୍ତ ରାଜନୈତିକ ଦଳର ନଜର ରହିଛି ଏହି ନିର୍ବାଚନ ମଣ୍ଡଳୀ ଉପରେ ।
ତେବେ କୌଣସି ଦଳ ଯଦିଓ ନିଜର ପାର୍ଥି ନେଇ ସୂଚନା ଦେଇନାହାନ୍ତି ତଥାପି ପାର୍ଥିକୁ ନେଇ ଆଶାୟୀ ମାନେ ନିଜ ନିଜ ସ୍ଥରରେ ଲବି ଆରମ୍ଭ କରିଦେଲେଣି । ବିଜେଡି ଭିତରେ ଗୋଷ୍ଠି କନ୍ଦଳ ଲାଗି ରହିଥିବା ବେଳେ ସେଥିରେ ପ୍ୟାଚ ପକାଇବାକୁ ନେତାମାନେ ପ୍ରକ୍ରିୟା ଆରମ୍ଭ କରିଦେଲେଣି । ଏହାରି ଭିତରେ ତିର୍ତ୍ତୋଲ ନିର୍ବାଚନ ମଣ୍ଡଳୀରେ ନିଜର ସଙ୍ଗଠନ ରଖିଥିବା ବିଜେଡି ନେତା ଦେବାଶିଷ ସାମନ୍ତରାୟ ଆଜି ନିଜର ପ୍ରତିକ୍ରିୟା ରଖିଛନ୍ତି ।
ଦଳ ଭିତରେ ଗୋଷ୍ଠୀ କନ୍ଦଳ ଥିବା ସେ ସ୍ୱୀକାର କରିଥିବା ବେଳେ ଏହା କୌଣସି ପ୍ରଭାବ ପକାଇବ ନାହିଁ ବୋଲି ସେ କହିଛନ୍ତି । ଦଳର ମୁଖିଆ ଯାହା ନିଷ୍ପତ୍ତି ନେବେ ତାହାକୁ ସମସ୍ତେ ମାନିବେ ବୋଲି ଦଳର ପରମ୍ପରା ରହିଥିବା ସେ କହିଛନ୍ତି । ସବୁଠାରୁ ବଡ଼ କଥା ହେଉଛି ତାଙ୍କର ଜଣେ ଘନିଷ୍ଟ ସହଯୋଗୀ ତିର୍ତ୍ତୋଲ ନିର୍ବାଚନ ମଣ୍ଡଳୀରେ ବିଜେଡିର ପାର୍ଥୀ ହେବେ ବୋଲି ସେ କହିଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
