କଟକ : ସିଲଭର ସିଟିରେ ମାତିଛନ୍ତି ଲୁଟେରା । କ୍ୟାଣ୍ଟନମେଣ୍ଟ ପୋଲିସ ହାତରେ ଧରା ପଡିଲେ ୪ ଜଣିଆ ସାଇକେଲ ଲୁଟେରା ଗ୍ୟାଙ୍ଗ। ସେମାନଙ୍କ ନିକଟରୁ ୧୬ଟି ସାଇକେଲ ଜବତ କରିଛି ପୋଲିସ। ସେମାନେ ହେଲେ ପ୍ରଦୀପ କୁମାର ବେହେରା , ପ୍ରଦ୍ୟୁମ୍ନ ନାୟକ , ଦେବ ରାଜ ବେହେରା ଓ ବତସ ପ୍ରଧାନ । ଏହସହ ଅଧିତ ତଦନ୍ତ ଜାରି ରଖିଛି ପୋଲିସ ।
ସୂଚନା ଅନୁସାରେ , ଗତ 9 ତାରିଖରେ କନିକା ଛକ ଅଞ୍ଚଳର ଶୁଭ ଦର୍ଶିନୀ ଦାସ ଓ ତାଙ୍କ ସାଙ୍ଗ ମଧୁସ୍ମିତା ବାରିକ ସନ୍ଧ୍ୟା ସମୟରେ ସନ୍ଧ୍ୟା ଭ୍ରମଣ ପାଇଁ ଷ୍ଟାଡିୟମ ରୋଡ଼କୁ ଯାଇଥିଲେ । ସେଠାରେ ସାଇକେଲ ରଖି ବୁଲିବାକୁ ଯାଇଥିଲେ । ହେଲେ ବୁଲି ଫେରିଲା ପରେ ଦୁଇଟି ସାଇକଲେ ସଠାରେ ନଥିବା ଦେଖିବାକୁ ପାଇଥିଲେ । ଏନେଇ ପରିବାର ସହ ଥାନାରେ ଅଭିଯୋଗ କରିଥିଲେ । ତେବେ ଏହି ମାମଲାର ତଦନ୍ତ କରି ଏହି ସାଇକେଲ ଲୁଟେରା ଗ୍ୟାଙ୍ଗକୁ ଗିରଫ କରିଛି ପୋଲିସ। ଜବତ ସାଇକେଲ ମଧ୍ଯରେ ବିଶେଷ କରି ଝିଅ ମାନଙ୍କ ଲେଡି ବାର୍ଡ ସାଇକେଲ ରହିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
