କଟକ: ସହରର ପଟ୍ଟାପୋଲ ଅଞ୍ଚଳ ସିଲ କଲା କଟକ ମହାନଗର ନିଗମ । ବକ୍ସି ବଜାର ଛକରୁ ଷ୍ଟିୱାର୍ଟ କଲେଜ, ଷ୍ଟୁୱାର୍ଟ କଲେଜରୁ ସୂତାହାଟ ମସଜିଦ ଛକ, ସୂତାହାଟ ମସଜିଦ ଛକରୁ ତିନିକୋଣିଆ ବଗିଚା ପାର୍କ, ତିନିକୋଣିଆ ବଗିଚା ପାର୍କରୁ ବକ୍ସି ବଜାର ଛକ ପର୍ଯ୍ୟନ୍ତ ସିଲ କରାଯାଇଛି ।
କଟକରେ ଯେପରି କରୋନା ଗୋଷ୍ଠୀ ସଂକ୍ରମଣ ନ ହୁଏ, ତାହାକୁ ଦୃଷ୍ଟିରେ ରଖି ଏଭଳି ନିଷ୍ପତି ନିଆଯାଇଛି । ଏହି ଅଞ୍ଚଳ ମାନଙ୍କରେ ପ୍ରବେଶ ଉପରେ କଟକଣା ଲାଗୁ କରାଯାଇଛି । ଏହି ଅଞ୍ଚଳରେ ଥିବା କୌଣସି ବ୍ୟକ୍ତି ବାହାରକୁ ଯାଇପାରିବେ ନାହିଁ, କିମ୍ବା ଉକ୍ତ ଅଞ୍ଚଳକୁ କେହି ପ୍ରବେଶ କରି ପାରିବେ ନାହିଁ । ସେହିପରି ଉକ୍ତ ସ୍ଥାନ ଗୁଡିକୁ ସାନିଟାଇଜ କରିବାକୁ ନିର୍ଦ୍ଦେଶ ଦିଆଯାଇଛି।
କଟକରୁ ନାରାୟଣ ସାହୁ, ଇଟିଭି ଭାରତ
