କଟକ: କୋରୋନା କାୟାରେ ପ୍ରଭାବିତ ହେବାର ଲାଗିଛି ସାରା ରାଜ୍ୟ । ଏମିତିରେ ମଙ୍ଗଳବାର କଟକ ମହାନଗର ନିଗମରେ 27ଟି ନୂଆ ମାମଲା ସାମ୍ନାକୁ ଆସିଥିବା ଦେଖାଯାଇଛି । ସଦ୍ୟ ଚିହ୍ନଟ ଆକ୍ରାନ୍ତଙ୍କ ମଧ୍ୟରେ 20 ଜଣ ସରକାରୀ କ୍ବାରେଣ୍ଟାଇନ ସେଣ୍ଟରର ହୋଇଥିବା ବେଳେ 4 ଜଣ ହୋମ କ୍ବାରେଣ୍ଟାଇନରୁ ଓ 3 ଜଣ ସ୍ଥାନୀୟ ସଂକ୍ରମଣରୁ ଶିକାର ହୋଇଥିବା ଜଣାପଡିଛି ।
ସେପଟେ ଚିହ୍ନଟ ହୋଇଥିବା 3 ଜଣ ସ୍ଥାନୀୟ ସଂକ୍ରମିତଙ୍କ ମଧ୍ୟରୁ 2 ଜଣ ପୁରୁଣା ରାଉସପଟଣା ଅଞ୍ଚଳରୁ ଓ ଜଣେ ଯୋବ୍ରା ଅଞ୍ଚଳର ହୋଇଥିବା ଜଣାପଡିଛି । ସେହିପରି ହୋମ କ୍ବାରେଣ୍ଟାଇନରୁ ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ 3 ଜଣ ପ୍ରତାପ ନଗରୀ ଅଞ୍ଚଳରୁ ଓ ଜଣେ ଶଙ୍କରପୁର ଅଞ୍ଚଳରୁ ବୋଲି ସିଏମସି ସ୍ପଷ୍ଟ କରିଛି ।
ଅନ୍ୟପଟେ ଜିଲ୍ଲାରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ବାଙ୍ଗୀ ସୁବର୍ଣ୍ଣପୁର ଅଞ୍ଚଳରୁ 5 ଜଣ, ବଡମ୍ବାରୁ 8 ଜଣ ଓ ତିଗିରିଆରୁ ଜଣେ ରହିଥିତବା ସୂଚନା ରହିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
