କଟକ: କଟକ ଚଣ୍ଡୀ ମନ୍ଦିରର ଉନ୍ନତିକରଣ ଏବଂ ସୌନ୍ଦର୍ଯ୍ୟକରଣ ପାଇଁ ଜିଲ୍ଲା ପ୍ରଶାସନ ଆରମ୍ଭ କରିଛି ପକ୍ରିୟା । ତେବେ ଏନେଇ ଆରମ୍ଭରୁ ମୁଣ୍ଡ ଟେକିଲାଣି ବିବାଦ । ଚଣ୍ଡୀ ମନ୍ଦିର(Maa Cuttack Chandi Temple) ସାମ୍ନାରେ ଥିବା ଶୈଳବାଳା କଲେଜର କିଛି ଜମି ରାସ୍ତା ସଂପ୍ରସାରଣ ଏବଂ ଗାଡି ପାର୍କିଂ ପାଇଁ ଯାଉଥିବାରୁ ଏହାକୁ ନେଇ ଦେଖାଦେଇଛି ବିବାଦ । ଯାହାକୁ ନେଇ ଶୈଳବାଳା କଲେଜର ଛାତ୍ରୀମାନେ କଲେଜ ସମ୍ମୁଖରେ ପ୍ରତିବାଦ କରିଛନ୍ତି ।
ସେମାନଙ୍କ କହିବା କଥା, ଏହି କଲେଜ ୧୦୯ ବର୍ଷ ପୁରୁଣା କଲେଜ (Shailabala Women's College)। ଏହାକୁ ବିଶ୍ୱବିଦ୍ୟାଳୟ ମାନ୍ୟତା ପ୍ରଦାନ କରିବା ପାଇଁ ବିଭିନ୍ନ ସମୟରେ ଛାତ୍ରୀମାନେ ଦାବି କରି ଆସୁଛନ୍ତି । ଯଦି ସରକାର କଲେଜର ଜମି ନିଅନ୍ତି ତେବେ ଆନୁଷଙ୍ଗିକ ବ୍ୟବସ୍ଥା ଦୃଷ୍ଟିରୁ ଆଗାମୀ ଦିନରେ ବିଶ୍ୱବିଦ୍ୟାଳୟ ମାନ୍ୟତା ପାଇବା ମଧ୍ୟ କଷ୍ଟ ହେବ । ତେଣୁ କଲେଜର ଜମିକୁ ଅଧିଗ୍ରହଣ ନକରିବାକୁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି କଲେକର ଛାତ୍ରୀମାନେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
