କଟକ: ଆସନ୍ତାକାଲିଠୁ (ସୋମବାର) ଆରମ୍ଭ ହେବାକୁ ଯାଉଛି ବାୟିଜୁସ (BYJUS) ମହିଳା ଟି-20 କ୍ରିକେଟ ଲିଗ । ଏନେଇ ସମସ୍ତ ପ୍ରସ୍ତୁତି ଶେଷ କରିଛି ଓଡିଶା କ୍ରିକେଟ ସଂଘ । ଆଜି (ରବିବାର) ଓସିଏ କ୍ରିକେଟ ଏକାଡେମୀ ପଡିଆରେ ଓଡିଶା ରେଡ଼ ଦଳ ଅଭ୍ୟାସ ଆରମ୍ଭ କରିଛି ।
ଭିଜନ 2024କୁ ଲକ୍ଷ୍ୟ କରି ଏହି ମେଗା ଇଭେଣ୍ଟ ଜରିଆରେ ଅନେକ ଭଲ ଖେଳାଳି ଚୟନ କରିବାକୁ ଲକ୍ଷ୍ୟ ରଖିଛି ଓଡିଶା କ୍ରିକେଟ ସଂଘ । ଖେଳାଳି ଓ କୋଚ୍ ମଧ୍ୟ ଏହି ପ୍ରତିଯୋଗିତାକୁ ନେଇ ବେଶ ଆଶା ରଖିଛନ୍ତି । କାରଣ ଆଗାମୀ ମହିଳା ଆଇପିଏଲ ଆୟୋଜନ ନେଇ ଲକ୍ଷ୍ୟ ରଖିଛି ବିସିସିଆଇ । ତେଣୁ ଏହି ପ୍ଲାଟଫର୍ମରେ ଅନେକ ଓଡ଼ିଆ ମହିଳା କ୍ରିକେଟର ଚୟନ ହେବାର ସମ୍ଭାବନା ରହିଛି ବୋଲି କହିଛନ୍ତି କ୍ରିକେଟର ଓ କୋଚ୍ ।
ଏହା ବି ପଢନ୍ତୁ...ମହିଳା କ୍ରିକେଟ ଲିଗରୁ ଆସିବେ ନୂଆ ପ୍ରତିଭା: OCA
ଦୁଇବର୍ଷ ହବେ କୋରୋନା ପାଇଁ ଏହି ଲିଗ ବନ୍ଦ ରହିଥିଲା । ମହାମାରୀ ଥମିବା ପରେ ପୁଣି ଥରେ କାଲିଠୁ ଏହି ଲିଗ ଆରମ୍ଭ ହେବାକୁ ଯାଉଛି । ମୋଟ 5 ଟି ଦଳ ଏହି ପ୍ରତିଯୋଗିତାରେ ଭାଗ ନେବେ । ମହିଳା ଟି20 ଲିଗରୁ ଅନେକ ନୂଆ ପ୍ରତିଭା ସାମ୍ନାକୁ ଆସିବେ ବୋଲି ଆଶା ରଖିଛି ଓଡିଶା କ୍ରିକେଟ ସଂଘ ।
ଇଟିଭି ଭାରତ, କଟକ
