ନିଆଳି: ରାଜ୍ୟରେ ମାତିଛନ୍ତି ବ୍ରାଉନସୁଗାର ବେପାରୀ । ଖୁଲମ ଖୁଲା ବେଧଡକ ଚାଲିଛି ଧଳାଜହର କାରବାର । ରାଜଧାନୀ ଉପକଣ୍ଠ ବାଲିଅନ୍ତା ଥାନା ପାହାଳରୁ ୩୦୦ଗ୍ରାମ ବ୍ରାଉନସୁଗର ଜବତ ହୋଇଛି । ଘଟଣାରେ ଦୁଇଜଣଙ୍କୁ ଗିରଫ କରିଛି ପୋଲିସ ।
ବାଲିଅନ୍ତା ଥାନା ଅନ୍ତର୍ଗତ ହଂସପାଳର ପୁରୀ ମୁଖ୍ୟ କେନାଲ ନିକଟରୁ ପୋଲିସ ୩୦୦ ଗ୍ରାମ ବ୍ରାଉନସୁଗାର ଜବତ କରିଛି । ଜବତ ବ୍ରାଉନସୁଗାରର ଦାମ ଲକ୍ଷାଧିକ ଟଙ୍କା ହେବ । ଘଟଣାସ୍ଥଳରୁ ଦୁଇଜଣଙ୍କୁ ଗିରଫ କରିଛି ପୋଲିସ । ଗିରଫ ଦୁଇଜଣ ହେଲେ ଅନୀଲ ନାୟକ ଓ ଶେଖ ସାମସୁଦ୍ଧିନ ବୋଲି ଜଣାପଡିଛି ।
ଖୋର୍ଦ୍ଧା ଜିଲ୍ଲା ବାଲିଅନ୍ତା ପୋଲିସ ଓ ସ୍ପେଶାଲ ପୋଲିସ ଚଢ଼ାଉ କରିଥିଲା । ବ୍ରାଉନସୁଗାର କାରବାର ପଣ୍ଡ କରିବାରେ ସଫଳ ହୋଇଛି ଟିମ୍ । ଚଢାଉରେ ୩୦୦ ଗ୍ରାମ ବ୍ରାଉନସୁଗାର ସମେତ ଗୋଟିଏ ଲାଲ ରଙ୍ଗର ଅଲ୍ଟୋ କାର ଓ ଗୋଟିଏ ସିଡ଼ି ଡିଲକ୍ସ ମୋଟର ସାଇକେଲ ସହ ଦୁଇଟି ସେଲ ଫୋନ ଜବତ କରିଛି ପୋଲିସ ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ,ଇଟିଭି ଭାରତ