କଟକ: ସହରରେ ପୁଣି ଆରମ୍ଭ ହୋଇଛି ଉଚ୍ଛେଦୀକରଣ ପ୍ରକ୍ରିୟା । ଏସସିବିକୁ ସଂଯୋଗୀକରଣ ପାଇଁ ଏହି ଉଚ୍ଛେଦ କାର୍ଯ୍ୟ ଆରମ୍ଭ କରାଯାଇଛି । ମାତୃଭବନ ଠାରୁ ଛତ୍ରବଜାର ରାସ୍ତା ପର୍ଯ୍ୟନ୍ତ ରାସ୍ତାକୁ ପ୍ରସସ୍ଥ କରିବା ପାଇଁ ଜୋରଦାର ଚାଲିଛି ଉଚ୍ଛେଦ ପ୍ରକ୍ରିୟା ।
କଟକରେ ପୁଣି ଉଚ୍ଛେଦ ପ୍ରକ୍ରିୟା ଆରମ୍ଭ, ଥଇଥାନ ପାଇଁ ଦାବି ତେବେ ଏଥିପାଇଁ ବିଶେଷକରି ବସ୍ତିବାସିନ୍ଦା ପ୍ରଭାବିତ ହେଉଛନ୍ତି । ଉଚ୍ଛେଦ ପ୍ରକ୍ରିୟା ଦ୍ବାରା ଅନେକ ବସ୍ତିବାସିନ୍ଦା ବାସଗୃହ ହରାଇଛନ୍ତି । ବର୍ତ୍ତମାନ ଶୀତଋତୁ ଚାଲୁଥିବାରୁ ଏମାନଙ୍କୁ ରାତ୍ରିଯାପନ ପାଇଁ ବିଭିନ୍ନ ସମସ୍ୟାର ସମ୍ମୁଖୀନ ହେବାକୁ ପଡିବ । ତେଣୁ ଏନେଇ ତୁରନ୍ତ ସମାଧାନ କରିବାକୁ ବସ୍ତିବାସିନ୍ଦାଙ୍କ ପକ୍ଷରୁ ଦାବି ହେଉଛି । ଯଦି ପ୍ରଶାସନ ପକ୍ଷରୁ ଏନେଇ ଗୁରୁତ୍ବ ଦିଆନଯାଏ ତାହେଲେ ଆନ୍ଦୋଳନ କରାଯିବ ବୋଲି ବସ୍ତିବାସିନ୍ଦା ମିଳିତ ମଞ୍ଚ ଆବାହକ ଖଗେଶ୍ବର ସେଠୀ କହିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
