ନିଆଳି: କମିଶନରେଟ ପୋଲିସ ହାତରେ ୩ ମୋବାଇଲ ଲୁଟେରା। ଆଖି ପିଛୁଳାକେ ଲୁଟି ନେଉଥିଲେ ଦାମୀ ମୋବାଇଲ ଫୋନ। ପୋଲିସ ସ୍କାନରରେ ଥିଲେ ମୋବାଇଲ ଚୋର ଦଳ। ରାଜଧାନୀ ଉପକଣ୍ଠ ତଥା ଖୋର୍ଦ୍ଧା ଜିଲ୍ଲା ବାଲିପାଟଣା ପୋଲିସ୍ ମୋବାଇଲ୍ ଲୁଟେରା ଗ୍ୟାଙ୍ଗ ମଧ୍ୟରୁ ତିନି ଜଣଙ୍କୁ ଗିରଫ କରିଛି । ଏମାନଙ୍କ ନିକଟରୁ ୭ ଗୋଟି ମୋବାଇଲ୍ ଜବତ କରିଛି ପୋଲିସ୍ ।
୩ ମୋବାଇଲ ଲୁଟେରା ଗିରଫ
ଏହି ଲୁଟେରା ମାନେ ହେଲେ ବାଲିପାଟଣା ଥାନା ଅପୁଜା ଗ୍ରାମର ମୁନା ଭୋଇ, ବିଶ୍ଵନାଥପୁର ଗ୍ରାମର ଶିବ ପ୍ରସାଦ ସେଠୀ ଏବଂ ଗଡବନ୍ତପୁର ଗ୍ରାମର ଶକ୍ତି ପ୍ରସାଦ ଜେନା । ଏମାନେ ବିଭିନ୍ନ ସମୟରେ ବାଲିପାଟଣା ଏବଂ ବାଲିଅନ୍ତା ଅଞ୍ଚଳରୁ ମୋବାଇଲ୍ ଝାମ୍ପି ନେଇ ଫେରାର୍ ହୋଇ ଯାଉଥିଲେ । ଏକାଧିକ ଅଭିଯୋଗ ପରେ ବାଲିପାଟଣା ପୋଲିସ୍ ଜାଲ ବିଛାଇ ଏମାନକୁ ଧରିବାରେ ସକ୍ଷମ ହୋଇଛି ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
