କଟକ: ବଡ ମେଡିକାଲ ଏସସିବିରେ ଖୋଲିବ 24 ଘଣ୍ଟିଆ ସହାୟତା କେନ୍ଦ୍ର । ଚିକିତ୍ସା ପାଇଁ ଆସୁଥିବା ରୋଗୀଙ୍କୁ ‘ଓଡିଶା ମୋ ପରିବାର’ ପକ୍ଷରୁ ଏହି ସୁବିଧା ଯୋଗାଇ ଦିଆଯିବ । ଯେପରି କୌଣସି ରୋଗୀ ଅସୁବିଧାର ଶିକାର ନହେବେ ତାହା ଉପରେ ଗୁରୁତ୍ବ ଦେଇଛନ୍ତି ମୁଖ୍ୟମନ୍ତ୍ରୀ ।
ଏସସିବିରେ ଖୋଲିବ 24 ଘଣ୍ଟିଆ ହେଲ୍ପ ଡେସ୍କ
ତେବେ ଏହି ପ୍ରକ୍ରିୟା ଆରମ୍ଭ ହେବା ଦ୍ୱାରା ଦୂରଦୁରାନ୍ତରୁ ଆସୁଥିବା ରୋଗୀମାନେ ତୁରନ୍ତ ସ୍ବାସ୍ଥ୍ୟସେବା ଜନିତ ସୂଚନା ପାଇ ପାରିବେ । ଏହାଛଡା ସରକାରଙ୍କ ବିଭିନ୍ନ ସ୍ୱାସ୍ଥ୍ୟସେବା ସମ୍ପର୍କିତ ଯୋଜନା ସମ୍ପର୍କରେ ମଧ୍ୟ ଏହି ହେଲ୍ପ ଡେସ୍କର ଅଧକାରୀ ଅବଗତ କରାଇବେ ବୋଲି କହିଛନ୍ତି ଓଡିଶା ମୋ ପରିବାର ଅଧ୍ୟକ୍ଷ ଅରୁପ ପଟ୍ଟନାୟକ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
