ଭୁବନେଶ୍ବର: ରାଜଧାନୀରେ ଚାଞ୍ଚଲ୍ୟ । ଘରୋଇ ବିଶ୍ବବିଦ୍ୟାଳୟର କ୍ୟାମ୍ପସରେ ହତ୍ୟାକାଣ୍ଡ । ଘର କବାଟ ନଖୋଲିବାରୁ ସାଙ୍ଗକୁ ଵିଭତ୍ସ ଭାବେ ହତ୍ୟା କଲା ସାଙ୍ଗ । ଏଭଳି ଘଟଣା ଘଟିଛି ଇନଫୋସିଟି ଥାନା ଅଞ୍ଚଳରେ । ମୃତ ଯୁବକ ଜଣଙ୍କ ହେଉଛନ୍ତି ଅନନ୍ତ ସେଠି ।
ସୂଚନାଅନୁଯାୟୀ, ଗଞ୍ଜାମ କୋଦଳା ତଳସରାର ଅନନ୍ତ ସେଠି ଓ ସୁରେନ୍ଦ୍ର ଦାସ କିଟ କ୍ୟାମ୍ପସର ୧୫ରେ ରହୁଥିଲେ । ହଠାତ ଗତକାଲି ବିଳମ୍ବିତ ରାତ୍ରିରେ ଅନନ୍ତ ଶୋଇଥିବା ବେଳେ ସୁରେନ୍ଦ୍ର ତାଙ୍କ ଘରର କବାଟ ବାଡେଇ ଡାକିଥିଲେ । ହେଲେ ଅନନ୍ତ କବାଟ ଖୋଲିବାରେ ବିଳମ୍ବ କରିବାରୁ ରାଗରେ ସୁରେନ୍ଦ୍ର ପାଖରେ ଥିବା ଏକ କାଠ ଫାଳିଆରେ ନିଜ ସାଙ୍ଗ ଅନନ୍ତଙ୍କୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଥିଲା, ପରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏନେଇ ପୋଲିସ ହତ୍ୟାକାରି ସୁରେନ୍ଦ୍ର ଦାସକୁ ଅଟକ ରଖି ପଚରାଉଚରା ଜାରି ରଖିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
