ଭୁବନେଶ୍ବର: ଜଳେଶ୍ବର ଟାଉନରେ ବ୍ରାଉନ ସୁଗାର ଡିଲ । ହାଇଫାଇ ଡିଲ ବେଳେ ମାଡ଼ି ବସିଲା STF ଟିମ୍ । ଫିଲ୍ମ ଷ୍ଟାଇଲରେ ୩ ଜଣ ବେପାରୀଙ୍କୁ ଗିରଫ କରିଛି ସ୍ପେଶାଲ ଟାସ୍କ ଫୋର୍ସ (Special Task Force) । ଅଭିଯୁକ୍ତଙ୍କ ନିକଟରୁ ୨ କେଜି ୪୦୨ ଗ୍ରାମ ବ୍ରାଉନସୁଗାର ଜଵତ କରିଛି STF ଟିମ୍ ।
ଜବତ ହୋଇଥିବା ବ୍ରାଉନ ସୁଗାରର ଆନୁମାନିକ ବଜାର ମୂଲ୍ୟ ୨.୫ କୋଟି ଟଙ୍କା ହେଵା ନେଇ ଅନୁମାନ କରିଛି STF । ଗିରଫ ଅଭିଯୁକ୍ତଙ୍କ ନିକଟରୁ ଦୁଇଟି ଗାଡ଼ି ମଧ୍ୟ ଜବତ କରାଯାଇଛି । ଗିରଫ ହୋଇଥିବା ୩ ଜଣ ଅଭିଯୁକ୍ତ ହେଲେ ଜଳେଶ୍ବରର ମମତାଜ ଖାନ, ଜଗତସିଂହପୁର ଉଜୟନାଥ ଭଟ୍ଟ, କଟକର ପ୍ରଦୀପ କୁମାର ଦାସ ।
ତେବେ ଗିରଫ ହୋଇଥିବା ବ୍ରାଉନ ସୁଗାର ବେପାରୀଙ୍କ ସହ ଏକ ପୋଲିସ ଲିଙ୍କ ଥିଵା ଜାଣିବାକୁ ପାଇଛି STF ଟିମ୍ । ୨୦୨୦ରୁ ଏପର୍ଯ୍ୟନ୍ତ ବ୍ରାଉନସୁଗାର ଅପରେସନରେ ୩୮ କେଜି ବ୍ରାଉନସୁଗାର ସହ ୮୪ କ୍ବିଣ୍ଟାଲ ଗଞ୍ଜେଇ ଜବତ ହୋଇଛି । ଏହାସହ ୧୦୩ ଜଣ ନିଶା ଵେପାରରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି ।
ଭୁବନେଶ୍ବରରୁ ତାପସ ପରିଡ଼ା, କଟକରୁ ପ୍ରଭୁକଲ୍ୟାଣ ପାଲ, ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
