ଭୁବନେଶ୍ବର: ଖାଦ୍ୟ ସୁରକ୍ଷାର ଓଡ଼ିଶା ମଡେଲ ଦେଶରେ ଶ୍ରେଷ୍ଠ । ବିଶ୍ୱର ଅନେକ ଦେଶଠାରୁ ଓଡ଼ିଶାର ମଡେଲ ପ୍ରଭାବୀ ବୋଲି ବିଶ୍ୱ ଖାଦ୍ୟ ସଂଗଠନର ଭାରତ ମୁଖ୍ୟ ବିଶ୍ୱ ପାରାଜୁଲି କହିଛନ୍ତି । ରାଜ୍ୟରେ ଜାତୀୟ ଖାଦ୍ୟ ସୁରକ୍ଷା ଆଇନ ସଫଳ ରୂପାୟନ ନେଇ ପାରାଜୁଲି ପ୍ରଶଂସା କରିଛନ୍ତି । ଜାତୀୟ ଖାଦ୍ୟ ସୁରକ୍ଷା ଆଇନ ଲାଗୁ କରିବାରେ ଓଡ଼ିଶା ଦେଶରେ ଏକ ନମ୍ବର ସ୍ଥାନରେ ରହିଛି । ବିଶ୍ୱ ଖାଦ୍ୟ ସଂଗଠନ ଏଥିପାଇଁ ଓଡ଼ିଶା ସରକାରଙ୍କୁ ପ୍ରଶଂସା କରିଛନ୍ତି । ବିଶ୍ୱ ଖାଦ୍ୟ କାର୍ଯ୍ୟକ୍ରମରେ ଓଡ଼ିଶାର ସର୍ବୋତ୍ତମ ସମର୍ଥନ ଓ ସହଯୋଗ ପାଇଁ ବିଶ୍ୱ ଖାଦ୍ୟ ସଂଗଠନର ଭାରତ ମୁଖ୍ୟ ବିଶ୍ୱ ପାରାଜୁଲି କହିଛନ୍ତି ।
ଜାତୀୟ ଖାଦ୍ୟ ସୁରକ୍ଷା ନିୟମକୁ(NFSA) ରାଜ୍ୟରେ ସଫଳତାର ସହ ଲାଗୁ କରିବାର ଓଡିଶାର ପ୍ରୟାସ ଓ ଅନ୍ୟ ଖାଦ୍ୟ ସୁରକ୍ଷା ସଂପର୍କୀୟ ପଦକ୍ଷେପ ଗ୍ରହଣ କରିବାକୁ ପ୍ରଶଂସା କରିଛି ୱାର୍ଲ୍ଡ ଫୁଡ୍ ପ୍ରୋଗ୍ରାମ(WFP) । ଏହି କ୍ରମରେ ସାରା ଦେଶରେ ଓଡିଶାର ପ୍ରଦର୍ଶନ ନମ୍ବର ୧ ରହିଛି ।
ୱାର୍ଲ୍ଡ ଫୁଡ୍ ପ୍ରୋଗ୍ରାମର ନିର୍ଦ୍ଦେଶକ, ବିଶ୍ବ ପାରାଜୁଲି ଶୁକ୍ରବାର ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ଅତନୁ ସବ୍ୟସାଚୀଙ୍କୁ(Minister Food supply & consumer welfare cooperation) ଶୁକ୍ରବାର ଲୋକସଭା ଭବନରେ(Lok-seba Bhavan) ଭେଟି ଜାତୀୟ ଖାଦ୍ୟ ସୁରକ୍ଷା ନିୟମ ଲାଗୁର ବିଭିନ୍ନ ଦିନ ବିଷୟରେ ଆଲୋଚନା କରିଛନ୍ତି ।
ଏହି ବୈଠକ ସମୟରେ ଓଡିଶା ସରକାର ଏକ ସେଣ୍ଟର ଅଫ୍ ଏକ୍ସଲେନ୍ସ(centre of excellence) ଓଡିଶାରେ ସ୍ଥାପନ ପାଇଁ WFPକୁ ଅନୁରୋଧ କରିଛି । ଖାଦ୍ୟ ସଂଗଠନ ଓଡ଼ିଶାରେ ଏକ ଉତ୍କର୍ଷ କେନ୍ଦ୍ର ପ୍ରତିଷ୍ଠା କରିବାକୁ ଯାଉଛନ୍ତି । ରାଜ୍ୟ ଖାଦ୍ୟ ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କୁ ଭେଟିବା ଅବସରରେ ଏହା କହିଛନ୍ତି ପାରାଜୁଲି । ମନ୍ତ୍ରୀ କହିଛନ୍ତି ଯେ, "ମାଲକାନଗିରି ଜିଲ୍ଲାରେ ପାଇଲଟ୍ ପ୍ରକଳ୍ପ ଭାବେ ରାଜ୍ୟ ସରକାର ପୋଷଣ ଯୁକ୍ତ ଚାଉଳ ବଣ୍ଟନ କାର୍ଯ୍ୟକ୍ରମ ଆରମ୍ଭ କରିସାରିଛନ୍ତି ।
ବଣ୍ଟନ କାର୍ଯ୍ୟକ୍ରମର ସୀମା ନିର୍ଦ୍ଧାରଣ ଲାଗି ସର୍ଭେ କରାଯିବ । ପୋଷଣ ଯୁକ୍ତ ଚାଉଳ ଧାନର ଉପଯୋଗିତା ନେଇ ଯୋଗଣ ଅଧିକାରୀ, ମିଲର ଓ ଡିଲରଙ୍କୁ ସଚେତନ କରାଯିବ । ସବୁ ପିଡ଼ିଏସ ଜିଲ୍ଲାରେ ଏନେଇ କାର୍ଯ୍ୟକ୍ରମ ଆରମ୍ଭ ହେବ । ଶସ୍ୟ ଯୋଗଣ ଲାଗି ଖୁବଶୀଘ୍ର ଏଟିଜି(ଅଲ୍ ଟାଇମ ଗ୍ରେନ) ବ୍ୟବସ୍ଥା କାର୍ଯ୍ୟକାରୀ ହେବ । ଭୁବନେଶ୍ୱରରେ ପାଇଲଟ ପ୍ରକଳ୍ପ ଭାବେ ଏହା ଆରମ୍ଭ ହେବ ।"
ଏହା ମଧ୍ୟ ପଢ଼ନ୍ତୁ: ଆଜିଠୁ ହାଇକୋର୍ଟର ପୂଜା ଅବକାଶ, ଅକ୍ଟୋବର ୧୦ରେ ଖୋଲିବ କୋର୍ଟ
ସେ ଆହୁରି ମଧ୍ୟ କହିଛନ୍ତି, "ଏହି ଶସ୍ୟ ଏଟିଏମ ପ୍ରତିଷ୍ଠା ପାଇଁ ବିଶ୍ୱ ଖାଦ୍ୟ ସଂଗଠନ ସହଯୋଗ କରିବ । ରାଜ୍ୟର ୫ ମହାନଗର ନିଗମରେ ୨ଟି ଲେଖାଏଁ ଗ୍ରେନ ଏଟିଏମ ମେସିନ ପ୍ରତିଷ୍ଠା ପାଇଁ ବିଶ୍ୱ ଖାଦ୍ୟ ସଂଗଠନର ଭାରତ ମୁଖ୍ୟଙ୍କ ନିକଟରେ ଯୋଗଣ ମନ୍ତ୍ରୀ ଦାବି କରିଛନ୍ତି । ଲୋକସେବା ଭବନରେ ମନ୍ତ୍ରୀଙ୍କ କାର୍ଯ୍ୟାଳୟରେ ହୋଇଥିବା ଆଲୋଚନା ସମୟରେ ବିଶ୍ୱ ଖାଦ୍ୟ ସଂଗଠନର ଓଡ଼ିଶା ମୁଖ୍ୟ ହିମାଂଶୁ ଏସ ବାଲଙ୍କ ସମେତ ବିଭାଗର ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।
ଇଟିଭି ଭାରତ, ଭୁବନେଶ୍ବର
