ଭୁବନେଶ୍ବର : ଡିସେମ୍ବର ୧ ରୁ ଆରମ୍ଭ ହେବ ବିଧାନସଭାର ଶୀତକାଳୀନ ଅଧିବେଶନ । ଏନେଇ ଓଡିଶା ବିଧାନସଭା କାର୍ଯ୍ୟାଳୟ ପରିସରରୁ ବିଜ୍ଞପ୍ତି ପ୍ରକାଶ ପାଇଛି । ଏହା ସହ ଆଜି ବାଚସ୍ପତି ସୂର୍ଯ୍ୟନାରାୟଣ ପାତ୍ର ମଧ୍ୟ ବିଧାନସଭା ଅଧିବେଶନ ନେଇ ସୂଚନା ଦେଇଥିଲେ।
ଡିସେମ୍ବର ୧ ରୁ ରାଜ୍ୟ ବିଧାନସଭା ଅଧିବେଶନର ଶୀତ ଅଧିବେଶନ । ଏହି ଅଧିବେଶନ ୩୧ ଡିସେମ୍ବର ପର୍ଯ୍ୟନ୍ତ ଚାଲିବ । ଏହି ଅଧିବେଶନରେ ମୋଟ ୨୬ଟି କାର୍ଯ୍ୟ ଦିବସ ରହିବ । ସେଥି ମଧ୍ୟରୁ ୫ ଦିନ ଛୁଟି ଦିବସ ରହିବ । ଏନେଇ ବିଧାନସଭାର ବିଜ୍ଞପ୍ତି ପ୍ରକାଶ ପାଇଛି । ଓଡ଼ିଶାର ସାମ୍ବିଧାନିକ ବ୍ୟବସ୍ଥା ଅନୁସାରେ, ବିଧାନସଭା 60 ଦିନ ବସିବାର ନିୟମ ରହିଛି। ଏହି ହିସାବରେ ଆଉ 26 ଦିନ ବାକି ଅଛି । ଅଧିବେଶନ କରିବା ପାଇଁ ରାଜ୍ୟପାଳ ଓ ରାଜ୍ୟ ସରକାରଙ୍କୁ ବିଧାନସଭା ପକ୍ଷରୁ ଚିଠି କରାଯାଇଛି ।
ତେବେ ଚଳିତ ବିଧାନସଭାର ଶୀତ ଅଧିବେଶନ ବେଶ ଗୁରୁତ୍ବପୂର୍ଣ୍ଣ ହେବାର ସମ୍ଭାବନା ରହିଛି । ତେବେ ଏହି ଅଧିବେଶନରେ କେତେକ ବ୍ୟୟ ମଞ୍ଜୁରୀ ବିଲ ପାରିତ କରାଯିବା ସହ ଗୁରୁତ୍ବପୂର୍ଣ୍ଣ ବିଲ ଉପସ୍ଥାପନା କରାଯିବ । ସୂଚନାଥାଉକି ଆସନ୍ତା ନଭେମ୍ବର ୨୯ ତାରିଖରୁ ସଂସଦର ଶୀତ ଅଧିବେଶନ ଆରମ୍ଭ ହେବ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
