ଭୁବନେଶ୍ବର: ରାସ୍ତାରେ ପରିବା ଫିଙ୍ଗି ବିକ୍ଷୋଭ କଲେ ପରିବା ବେପାରୀ । ବିଏମସି ଗାଇଡଲାଇନକୁ ବିରୋଧ କରି ଶୁକ୍ରବାର ରାସ୍ତାରେ ପରିବା ଫିଙ୍ଗି ବିକ୍ଷୋଭ କଲେ ପରିବା ବେପାରୀ । ସୂଚନା ଅନୁଯାୟୀ, ଆଜି(ଶୁକ୍ରବାର) 20 ଫୁଟ ଦୂରତାରେ ବସି ପରିବା ବିକିବାକୁ ବ୍ୟବସାୟୀଙ୍କୁ ବିଏମସି ଅନୁମତି ଦେଇଥିଲା । ଶୁକ୍ରବାର ସକାଳୁ ବେପାରୀ ପରିବା ଧରି ଭିଏସଏସ ନଗର ହାଟରେ ପହଞ୍ଚିଥିଲେ । ମାତ୍ର ହାଟର ପରିଧି ଅନୁଯାୟୀ 20 ଫୁଟ ଦୂରତାରେ ବସିଲେ କେବଳ 60 ବେପାରୀ ପରିବା ବିକି ପାରିବେ ।
ପରିବା ଫିଙ୍ଗି ବିକ୍ଷୋଭ କଲେ ବ୍ୟବସାୟୀ
କିନ୍ତୁ ହାଟକୁ ଆସିଥିଲେ 170 ପରିବା ବିକାଳୀ । ଅବଶିଷ୍ଟ ବିକାଳୀ ଏହାକୁ ବିରୋଧ କରି ରାଜରାସ୍ତାରେ ପରିବା ଫୋପାଡି ବିକ୍ଷୋଭ କରିଛନ୍ତି । ତେଣୁ ପୂର୍ବଭଳି ଅପାତତଃ ୧୦ ପୁଟ ଦୂରରେ ବ୍ୟବସାୟ ଅନୁମତି ଦିଆଯାଉ ବୋଲି ଦାବି କରିଛନ୍ତି ପରିବା ବିକାଳୀ । ପରେ ହାଟର କର୍ମକର୍ତ୍ତାଙ୍କ ସହ ବିଏମସି କର୍ତ୍ତୃପକ୍ଷ କଥା ହେବା ପରେ ଧାରଣାରୁ ଉଠିଥିଲେ ବିକାଳୀ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
