ଭୁବନେଶ୍ବର: ସଂକ୍ରମଣ ବିରୋଧରେ ଜାରି ରହିଛି ଟୀକାକରଣ । ଆଜିଠୁ ରାଜ୍ୟରେ ଗର୍ଭବତୀମାନଙ୍କୁ ଟିକାକରଣ ଆରମ୍ଭ ହୋଇଛି । cowin ପୋର୍ଟାଲରେ ଏଥିପାଇଁ ସ୍ବତନ୍ତ୍ର ଫିଚର ବ୍ୟବସ୍ଥା କରାଯାଇଛି । ବର୍ଷକୁ 9 ଲକ୍ଷ ଗର୍ଭବତୀ ମହିଳା ପଞ୍ଜିକରଣ କରଛନ୍ତି । ସେଥି ମଧ୍ୟରୁ ସାଢେ 4 ଲକ୍ଷଙ୍କୁ ଏବେ ଟିକା ଦିଆଯିବାର ଲକ୍ଷ୍ୟ ରଖାଯାଇଛି ।
VACCINATION: ଆଜିଠୁ ରାଜ୍ୟରେ ଗର୍ଭବତୀଙ୍କୁ ଦିଆଯାଉଛି ଟିକା
ଅନ୍ୟପଟେ କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ ଲକ୍ଷ୍ମୀଧର ସାହୁ କହିଛନ୍ତି ଯେ, ଗର୍ଭାବତୀଙ୍କୁ ଟୀକାକରଣ ପାଇଁ ଏକ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ସେମାନେ ଟିକା ପାଇଁ ଆସିଲା ବେକେ ସେମାନଙ୍କୁ ଧାଡ଼ିରେ ଠିଆ କରିବାକୁ ଦିଆଯିବ ନାହିଁ ବୋଲି ସେ କହିଛନ୍ତି । ଅନ୍ୟପଟେ ଜଣେ ମହିଳା କହିଛନ୍ତି ଯେ ଗର୍ଭବତୀ ଟିକା ନେବା ଆବଶ୍ୟକ । ଏନେଇ ଉଭୟ ମାଆ ଓ ଶିଶୁ ସୁସ୍ଥ ରହିବେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
