ଭୁବନେଶ୍ବର: ରାଜଧାନୀରୁ ପୁଣି ଅଜଣା ମୃତଦେହ ଉଦ୍ଧାର। ଲିଙ୍ଗରାଜ ଥାନା ଗ୍ୟାରେଜ ଛକ ନିକଟ ପୋଖରୀରୁ ୪୦ ବର୍ଷିୟ ବ୍ୟକ୍ତିଙ୍କ ମୃତଦେହ ଜବତ କରିଛି ପୋଲିସ । ବ୍ୟକ୍ତି ଜଣଙ୍କ ଜିନ୍ସ ଫୁଲ ପ୍ୟାଣ୍ଟ ସହ ଚେକ ସାର୍ଟ ପିନ୍ଧିଥିବା ଦେଖିବାକୁ ମିଳିଛି । ତେବେ ବ୍ୟକ୍ତିଙ୍କର କୌଣସି ପରିଚୟ ମିଳିନାହିଁ ।
ତେବେ ମୃତଦେହ ସେଠାକୁ ଆସିଲା କିପରି ? ମୃତଦେହକୁ ସେଠାରେ କେହି ପକାଇଛି ନା କୌଣସି ଦୁର୍ଘଟଣା ବଶତଃ ମୃତଦେହଟି ପଡିରହିଛି । ଏନେଇ ବିଭିନ୍ନ ଦିଗକୁ ନେଇ ତନାଘନା ଆରମ୍ଭ କରିଛି ପୋଲିସ। ଘଟଣାରେ ୪୫/୨୦ରେ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
