ଆର୍ଥିକ ମହାଶକ୍ତିର କେନ୍ଦ୍ରବିନ୍ଦୁ ହେବ ଭାରତ କହିଲେ ଧର୍ମେନ୍ଦ୍ର ପ୍ରଧାନ

ଶ୍ରମବଳର ସମ୍ପୂର୍ଣ୍ଣ ଉପଯୋଗ ଦ୍ୱାରା ଭାରତ ଆର୍ଥିକ ମହାଶକ୍ତିର କେନ୍ଦ୍ରବିନ୍ଦୁ ହେବ ବୋଲି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ବିକଶିତ ଭାରତର ଲକ୍ଷ୍ୟକୁ ପୂରଣ ଦିଗରେ ଦକ୍ଷତା ବିକାଶର ମହତ୍ୱପୂର୍ଣ୍ଣ ଭୂମିକା ରହିଛି । ବିକଶିତ ଭାରତ ପାଇଁ ଦେଶବାସୀଙ୍କୁ କୁଶଳୀ ହେବାକୁ ଆହ୍ୱାନ କରିଛନ୍ତି କେନ୍ଦ୍ରମନ୍ତ୍ରୀ । ଅଧିକ ପଢନ୍ତୁ

ଭୁବନେଶ୍ବର: ବିକଶିତ ଭାରତର ଲକ୍ଷ୍ୟ ପୂରଣ ଦିଗରେ ଦକ୍ଷତା ବିକାଶର ମହତ୍ବପୂର୍ଣ୍ଣ ଭୂମିକା ରହିଛି । ବିକଶିତ ଭାରତ ପାଇଁ ଦେଶବାସୀଙ୍କୁ କୁଶଳୀ ହେବାକୁ ଆହ୍ବାନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମୃତ କାଳରେ 5ଟି ସଂକଳ୍ପ ସମେତ ଭାରତକୁ ବିକଶିତ ରାଷ୍ଟ୍ରରେ ପରିଣତ କରିବା ପାଇଁ ନାଗରିକମାନଙ୍କୁ ଦାୟିତ୍ବବାନ ହେବା ପାଇଁ ଆହ୍ବାନ କରିଛନ୍ତି । ଭାରତୀୟ ଦାୟିତ୍ବବାନ ହେଲେ ଏବଂ ଆମ ଦେଶର ଶ୍ରମବଳ ସମ୍ପୂର୍ଣ୍ଣ ଉପଯୋଗ ହୋଇପାରିଲେ ହିଁ ଭାରତ ବିଶର ଆର୍ଥିକ ମହାଶକ୍ତିର କେନ୍ଦ୍ରବିନ୍ଦୁ ହେବ ବୋଲି କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଶନିବାର ନୂଆଦିଲ୍ଲୀ ଠାରେ ଆୟୋଜିତ ଏକ ସ୍ବତନ୍ତ୍ର ସମାବର୍ତ୍ତନ ସମାରୋହରେ ଯୋଗଦେଇ ଏହା କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

• Along with @LtGovDelhi, Shri Vinai Kumar Saxena, Chief Secy., Delhi Govt., Shri Naresh Kumar, officials of NDMC, @MSDESkillIndia and @NSDCINDIA joined the convocation ceremony to hand over certificates to youth in NDMC areas of Delhi certified under the RPL skill training. pic.twitter.com/Qbq5SdgCsU

  — Dharmendra Pradhan (@dpradhanbjp) August 27, 2022 " class="align-text-top noRightClick twitterSection" data="

  Along with @LtGovDelhi, Shri Vinai Kumar Saxena, Chief Secy., Delhi Govt., Shri Naresh Kumar, officials of NDMC, @MSDESkillIndia and @NSDCINDIA joined the convocation ceremony to hand over certificates to youth in NDMC areas of Delhi certified under the RPL skill training. pic.twitter.com/Qbq5SdgCsU

  — Dharmendra Pradhan (@dpradhanbjp) August 27, 2022

  ">

  Along with @LtGovDelhi, Shri Vinai Kumar Saxena, Chief Secy., Delhi Govt., Shri Naresh Kumar, officials of NDMC, @MSDESkillIndia and @NSDCINDIA joined the convocation ceremony to hand over certificates to youth in NDMC areas of Delhi certified under the RPL skill training. pic.twitter.com/Qbq5SdgCsU

  — Dharmendra Pradhan (@dpradhanbjp) August 27, 2022

କେନ୍ଦ୍ର ଶିକ୍ଷାମନ୍ତ୍ରୀ ରେକଗନାଇଜେସନ ଅଫ୍ ପ୍ରାଇଅର୍ ଲର୍ଣ୍ଣିଂ (ଆରପିଏଲ) ଦକ୍ଷତା ତାଲିମ ଅଧୀନରେ ନୂଆଦିଲ୍ଲୀ ମ୍ୟୁନିସିପାଲ କାଉନସିଲ ଅଞ୍ଚଳର ପ୍ରଶିକ୍ଷଣ ନେଇଥିବା ପ୍ରାର୍ଥୀଙ୍କୁ ପ୍ରମାଣ ପତ୍ର ବିତରଣ କରିଛନ୍ତି । ଏହି ତାଲିମ ଅଧୀନରେ ନୂଆ କୌଶଳ ସହ ଯୋଡ଼ିଥିବା ଯୁବବର୍ଗଙ୍କୁ କେନ୍ଦ୍ରମନ୍ତ୍ରୀ ଅଭିନନ୍ଦନ ଜଣାଇଛନ୍ତି । ବିକଶିତ ଭାରତର ଲକ୍ଷ୍ୟକୁ ପୂରଣ କରିବା ଦିଗରେ ଆମେ ଅଗ୍ରସର ହେଉଥିବା ବେଳେ ଦକ୍ଷତା ବିକାଶ ଏକ ମହତ୍ବପୂର୍ଣ୍ଣ ଭୂମିକା ଗ୍ରହଣ କରୁଛି । ରାଷ୍ଟ୍ର ନିର୍ମାଣ ପାଇଁ ସମସ୍ତେ ଶ୍ରମବଳ ସମର୍ପିତ କଲେ ହିଁ ବିକଶିତ ଭାରତର ସ୍ବପ୍ନ ପୂରଣ ହୋଇପାରିବ । ସେଥିପାଇଁ ସମସ୍ତଙ୍କୁ କୁଶଳୀ ହେବାକୁ ପଡ଼ିବ । ପାରମ୍ପାରିକ କ୍ଷେତ୍ରରୁ ବାହାରି ଆକାଂକ୍ଷା ପୂରଣ କରିବା ଲକ୍ଷ୍ୟରେ ଦକ୍ଷତା ବିକାଶକୁ ଆଗକୁ ନେବାକୁ ହେବ। ବର୍ତ୍ତମାନ ସମୟରେ ଭାରତ ଡିଜିଟାଲ ପେମେଣ୍ଟ କ୍ଷେତ୍ରରେ ବିଶ୍ବରେ ସର୍ବବୃତ୍ତ ବଜାର ଭାବରେ ପରିଣତ ହୋଇଛି । ଉଭା ହେଉଥିବା ନୂଆ କ୍ଷେତ୍ରରୁ ନୂତନ କୌଶଳ ଶିଖିବାକୁ ହେବ ।

ସେ ଆହୁରି କହିଛନ୍ତି ବ୍ଲକଚେନ, କ୍ରିପଟୋ, ମେଟାଭର୍ସ ଭଳି ପ୍ରଯୁକ୍ତିବିଦ୍ୟା ଚାକିରିର ଦୃଶ୍ୟପଟ୍ଟକୁ ପରିବର୍ତ୍ତନ କରୁଛି । ଶିଳ୍ପବିପ୍ଳବ ୪.୦, ବିଶ୍ବରେ ଉଭା ହେଉଥିବା ସୁଯୋଗର ଲାଭ ଏବଂ ମୁଣ୍ଡପିଛା ଉତ୍ପାଦନକୁ ଗତି ଦେବା ପାଇଁ ପ୍ରସ୍ତୁତି ନିମନ୍ତେ ସମସ୍ତଙ୍କୁ ସ୍କିଲିଂ, ଅପ ସ୍କିଲି ଏବଂ ରି-ସ୍କିଲିଂ ହେବାକୁ ପଡ଼ିବ । ସମାଜ ଯେତେବେଳେ ଦକ୍ଷ ହେବ ଭାରତ ସେତେ ସମୃଦ୍ଧ, ବିକଶିତ ଏବଂ ଗତିଶୀଳ ହେବ । ସବକା ପ୍ରୟାସ ମାଧ୍ୟମରେ ଦିଲ୍ଲୀର ଶ୍ରମବଳକୁ ସ୍କିଲ, ଅପ-ସ୍କିଲ ଏବଂ ରି-ସ୍କିଲ କରିବା ପାଇଁ ଏକ ମଡ଼େଲ ପ୍ରସ୍ତୁତ କରିବାକୁ ହେବ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।

ଏହି ସ୍ବତନ୍ତ୍ର ସମାବର୍ତ୍ତନ ସମାରୋହରେ ଆରପିଏଲ ଦକ୍ଷତା ତାଲିମ ନେଇଥିବା ପ୍ରାର୍ଥୀଙ୍କୁ ପ୍ରମାଣପତ୍ର ବିତରଣ କରିଛନ୍ତି । ଏହି କାର୍ଯ୍ୟକ୍ରମରେ ଦିଲ୍ଲୀର ଉପରାଜ୍ୟପାଳ ବିନୟ କୁମାର ସାକସେନା, ଦିଲ୍ଲୀ ସରକାରଙ୍କ ମୁଖ୍ୟ ସଚିବ ନରେଶ କୁମାର, ଏନଡିଏମସି, ସ୍କିଲ ଇଣ୍ଡିଆ, ଏନଏସଡିସିର ବରିଷ୍ଠ ଅଧିକାରୀମାନେ ପ୍ରମୁଖ ଉପସ୍ଥିତ ଥିଲେ ।

ଇଟିିଭି ଭାରତ, ଭୁବନେଶ୍ବର