ଭୁବନେଶ୍ବର: ଜାନୁଆରୀ ୨୬ ତାରିଖରେ ହୋଇଥିବା କୃଷକ ଟ୍ରାକ୍ଟର ରାଲିକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ । ସେ କହିଛନ୍ତି ଯେ, ଏହି ଆନ୍ଦୋଳନ ଦୁର୍ଭାଗ୍ୟ ଜନକ, ଯେଉଁ ଭଳି ଭାବରେ ଦିଲ୍ଲୀରେ ଆତଙ୍କରାଜ ସୃଷ୍ଟି ହେଲା ତାହା ସାରା ବିଶ୍ଵରେ ଭାରତର ଛବିକୁ ବଦନାମ କରିଛି । ଏହାସହ ପୋଲିସ ଉପରେ ଟ୍ରାକ୍ଟର ଚଢାଇବା ଏବଂ ମାଡ ମାରିବା ଘଟଣାକୁ ନିନ୍ଦା କରିଛନ୍ତି କୃଷକ ମୋର୍ଚ୍ଚା ସଭାପତି । ଜାତୀୟ ପତାକାକୁ ଅସମ୍ମାନ କରିବା ଭଳି ଘଟଣା ସାମ୍ନାକୁ ଆସିଛି, ଏହା ପଛରେ କଂଗ୍ରେସ ଓ ବାମ ଦଳ ଦାୟୀ ବୋଲି ସେ କହିଛନ୍ତି।
ସେହିପରି କଂଗ୍ରେସ ବିଧାୟକ ସୁର ରାଉତରାୟ ଲାଲକିଲା ଉପରେ ଚଢି ଜାତୀୟ ପତାକାର ଅପମାନ କରିବାକୁ ଘୋର ବିରୋଧ କରିଛନ୍ତି । ସେ କହିଛନ୍ତି ଯେ, କଂଗ୍ରେସ କୃଷକ ଆନ୍ଦୋଳନକୁ ସମର୍ଥନ ଦେଇଆସୁଥିଲା ସତ କିନ୍ତୁ, ଏପରି ହିଂସାର କେବେବି ସମର୍ଥନ କରିବ ନାହିଁ । କୃଷକ ମାନଙ୍କ କଥା ତୁରନ୍ତ ଶୁଣି କୌଣସି ଏକସମାଧାନ ବାହାର କରିବାକୁ ପ୍ରଧାନ ମନ୍ତ୍ରୀଙ୍କୁ ଅତି କଟୁ ଭାଷାରେ ସେ କହିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ ଏବଂ ସଞ୍ଜୀବ କୁମାର ରାୟ, ଇଟିଭି ଭାରତ
