ଭୁବନେଶ୍ବର: ବକରା ହେଉଛନ୍ତି ପାଟକୁରା ବିଜେପି ପ୍ରାର୍ଥୀ ବିଜୟ ମହାପାତ୍ର । ବିଜୟଙ୍କୁ ହରାଇବା ପାଇଁ ହୋଇଛି ମ୍ୟାଚ୍ ଫିକ୍ସିଂ । ଦୁଇ ଦଳ କେବଳ ପାଟକୁରାରେ ଡ୍ରାମା କରିବେ କିନ୍ତୁ ଲକ୍ଷ୍ୟ ରହିବ ବିଜୟ ମହାପାତ୍ରଙ୍କୁ ବିଧାନସଭାକୁ ନ ଆଣିବା । ଏପରି ଏକ ସାଘାଂତିକ ମନ୍ତବ୍ୟ ଦେଇଛନ୍ତି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି । ଯାହାକୁ ନେଇ ରାଜ୍ୟ ରାଜନୀତିରେ ହଇଚଇ ସୃଷ୍ଟି ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହା ସହ ସେଠାରେ ବିଜେପି, ବିଜେଡିକୁ ସମର୍ଥନ ଦେବ ବୋଲି କହିଛନ୍ତି ତାରା । ସେପଟେ ଏହାକୁ ଉଭୟ ବିଜେଡି ଓ ବିଜେପି ଖଣ୍ଡନ କରିଥିବାବେଳେ ଏହା କଂଗ୍ରେର ହତୋତ୍ସାହିତ ବୋଲି ସେମାନେ କହିଛନ୍ତି ।
ତେବେ କେଉଁ ପରିପ୍ରେକ୍ଷୀରେ ଓ କାହିଁକି ତାରା ଏପରି କହିଲେ ତାକୁ ନେଇ ରାଜନୈତିକ ଅଳିନ୍ଦୁରେ ଚର୍ଚ୍ଚା ଚାଲିଲାଣି । ତାରା ଏହା କେବଳ କଂଗ୍ରେସ ଭୋଟ ପାଇଁ କହିଛନ୍ତି ନା ଏହା ଭିତରେ କିଛି ସତ୍ୟତା ଲୁଚି ରହିଛି ତାହା ଆଗାମୀ ଦିନରେ ଜଣାପଡିବ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
