PC ରେ କାନ୍ଦିଲେ ପ୍ରସାଦ: ଶ୍ବଶୁର କହିଲେ ହୀରା ସେ, କାହିଁକି କାନ୍ଦିଲେ କହିପାରିବିନି

ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ ସାମ୍ବାଦିକ ସମ୍ମିଳନୀରେ ଭାବବିହ୍ଵଳ ହୋଇ କାନ୍ଦି ପକାଇବାକୁ ନେଇ ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ପ୍ରତିକ୍ରିୟା । ଅଧିକ ପଢନ୍ତୁ

ଭୁବନେଶ୍ବର: ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ ସାମ୍ବାଦିକ ସମ୍ମିଳନୀରେ ଭାବବିହ୍ଵଳ ହୋଇ କାନ୍ଦି ପକାଇବାକୁ ନେଇ ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ପ୍ରତିକ୍ରିୟା । ଏହା ତାଙ୍କର ବ୍ୟକ୍ତିଗତ ମାମଲା ବୋଲି କହିଛନ୍ତି ସୁର । ଏଥିସହ ସେ ଏହା ଉପରେ କୌଣସି ଟିପ୍ପଣୀ ରଖିପାରିବେ ନାହିଁ ବୋଲି ସିଧା ସିଧା ମନାକରି ଦେଇଛନ୍ତି ।

ଦିନ ଥିଲା ନିଜର ପ୍ରଶ୍ନ ବାଣରେ ସରକାର ଏବଂ ଅନ୍ୟ ଦଳ ନେତାଙ୍କୁ ନିଜ ଶାଣିତ କଥାରେ ଘାଇଲା କରୁଥିଲେ ସେ ଆଜି କାନ୍ଦିଲେ, ନିଜର ଅସହାୟ ତା ସହି ନପାରି ଏକ ସାମ୍ବାଦିକ ସମ୍ମିଳନୀରେ କାନ୍ଦିଲେ ପ୍ରସାଦ ,ସେପଟେ ପ୍ରସାଦଙ୍କ ଦୁଃଖ ସହି ନପାରି ପ୍ରସାଦଙ୍କ ଗୁଣଗାନ କଲେ ସୁର । ଜଟଣୀ ବିଧାୟକ ସୁର ରାଉତରାୟ କହିଛନ୍ତି ଯେ, ପ୍ରସାଦ ବହୁତ ଭଲ, ସେ ଏକଦମ୍ ସୁନା । ସୁନା ନୁହେଁ ତ ପ୍ରସାଦ ହୀରା ବୋଲି କହିଛନ୍ତି ସୁର ।

ଏହା ମଧ୍ୟ ପଢନ୍ତୁ:- PCରେ କାନ୍ଦିଲେ ପ୍ରସାଦ: କହିଲେ ମୁଁ ବେପାରୀ ନୁହେଁ ଯେ ଡିଲ୍‌ କରିବି

ଏଥିସହ ସେ ଆହୁରି ମଧ୍ୟ କହିଛନ୍ତି ଯେ, ପ୍ରସାଦଙ୍କ ଅଗାଧ୍ୟ ପାଣ୍ଡିତ୍ୟ ରହିଛି । ମୋ ଭଳି ସେ ସବୁ ମାମଲାରେ ପ୍ରତିକ୍ରିୟା ରଖନ୍ତି ନାହିଁ । ଭାବିଚିନ୍ତି କହନ୍ତି । ଏହିପରି ଜ୍ବାଇଙ୍କ ଗୁଣ ବଖାଣି ତାଙ୍କ କାନ୍ଦିବା ପ୍ରସଙ୍ଗକୁ ଏଡାଇ ଦେଇଛନ୍ତି ସୁର ।

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ