ଭୁବନେଶ୍ବର: ବ୍ରାଉନସୁଗାର ଡିଲ୍ ବେଳେ ମାଡିବସିଲା STF । ଆଜି ପିପିଲି ନିମାପଡ଼ା ଓଭରବ୍ରିଜ ଉପରେ ବ୍ରାଉନସୁଗାର ଡିଲ ଚାଲିଥିବା ବେଳେ STF ଟଢାଉ କରିଛି । ତେବେ ଚଢାଉ ସମୟରେ ୧କେଜି ୪୮ଗ୍ରାମର ବ୍ରାଉନସୁଗାର ଜବତ ହୋଇଥିବା ସୂଚନା ମିଳିଛି ।
ତେବେ ବ୍ରାଉନସୁଗାର ଡିଲରେ ଜଣକୁ ଗିରଫ କରି ପୁରୀ କୋର୍ଟରେ ଏନଡିପିଏସ ଆକ୍ଟରେ ଚାଲାଣ କରିଛି STF ଟିମ୍। ଅଭିଯୁକ୍ତ ଜଣଙ୍କ ହେଉଛନ୍ତି ଇମିତାଜ ଖାନ । ଜଳେଶ୍ବରରୁ ବ୍ରାଉନସୁଗାର ଆଣି ଏଠାରେ ଡେଲିଭରି କରୁଥିବା ବେଳେ ଏହା ପୂର୍ବରୁ ଚଢାଉ କରିଥିଲା STF । ତେବେ ରାଜ୍ୟରେ ଦିନକୁ ଦିନ ବ୍ରାଉନସୁଗାର କାରବାର ବୃଦ୍ଧି ପାଉଥିବା ବେଳେ ୨୦୨୦ରୁ ଏଯାବତ ୩୫କେଜି ବ୍ରାଉନସୁଗାର ସହ ୬୨କ୍ବିଣ୍ଟାଲ ୫୨କିଲୋ ଗଞ୍ଜେଇ ଜବତ କରିଛି STF ଟିମ୍ ।
ଭୁବନେଶ୍ବରରୁ ତାପସ ପରିଡା , ଇଟିଭି ଭାରତ
