ଭୁବନେଶ୍ବର: ୟେସ ବ୍ୟାଙ୍କରେ ଜଗନ୍ନାଥଙ୍କ ଜମା ଟଙ୍କା ନେଇ ଏତଲା । ସିବିଆଇରେ ଏତଲା ଦାୟର କଲା ଶ୍ରୀଜଗନ୍ନାଥ ସେନା । ଘଟଣାର ସିବିଆଇ ତଦନ୍ତରେ ଖୁଲାସା ପାଇଁ ଦାବି ସେନା ପକ୍ଷରୁ ଦାବି କରାଯାଇଛି । ଏପରିକି ବିନା ମ୍ୟାନେଜିଂ କମିଟିର ଅନୁମତି କ୍ରମେ କାହା ଇସାରାରେ ରଖାଗଲା ବ୍ୟାଙ୍କରେ ଟଙ୍କା । ଏପରି ଟଙ୍କା ରଖିବାକୁ କ'ଣ ହୋଇଥିଲା ବ୍ୟାଙ୍କ ସହ ଡିଲ୍ । କାହିଁକି ରାଷ୍ଟ୍ରାୟତ୍ତ ବ୍ୟାଙ୍କରୁ ଟଙ୍କା ଉଠାଇ ୟେସ ବ୍ୟାଙ୍କରେ ଜମା କଲେ ଅଧିକାରୀ । ଏହାକୁ ନେଇ କେତେ ଅନୁକମ୍ପା ପାଇଛନ୍ତି ପ୍ରଶାସନ ଅଧିକାରୀ, ଆକାଉଣ୍ଟାଣ୍ଟ ଓ ମ୍ୟାନେଜିଂ ଅଧିକାରୀ ସମସ୍ତ ଦିଗକୁ ନେଇ ଯାଞ୍ଚ ପାଇଁ ଦାବି କରିଛନ୍ତି । ଅନୁକମ୍ପା ଆଧାରରେ ସୁନା ଗହଣା ଓ ଫରେନ ଟୁରର ଖୁଲାସା ପାଇଁ ସେନା ପକ୍ଷରୁ ଦାବି କରାଯାଇଛି ।
ଅନ୍ୟପଟେ ରତ୍ନଭଣ୍ଡାର ଚାବି ଗାଏବ ଘଟଣା ସହ ଏପରି ଜଗନ୍ନାଥ ସମ୍ପତି ହଡପ ପାଇଁ ଚକ୍ରାନ୍ତ କରୁଥିବା ନେଇ ରାଜ୍ୟ ସରକାରଙ୍କୁ ମଧ୍ୟ ଟାର୍ଗେଟ କରିଛନ୍ତି ଜଗନ୍ନାଥ ସେନାର ଉପଦେଷ୍ଟା । ଅନ୍ୟପଟେ ସିବିଆଇ ୟେସ ବ୍ୟାଙ୍କ ମାମଲାର ତଦନ୍ତ କରୁଥିବା ବେଳେ ଏପରି ଅଭିଯୋଗକୁ ନେଇ ତର୍ଜମା କରାଯିବ ବୋଲି ସିବିଆଇ ଅଧିକାରୀ ଅଭିଯୋଗକାରୀଙ୍କୁ ଆଶ୍ବସନା ଦେଇଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
