ଭୁବନେଶ୍ବର: କୋଭିଡ ମହାମାରୀର ମୁକାବିଲା ପାଇଁ କିଛି ରାଜ୍ୟରେ ସରକାର ଲକଡାଉନ ଓ ସଟଡାଉନ ଲାଗୁ କରିଛନ୍ତି । କିନ୍ତୁ କିଛି ଲୋକ କାମ ବାହାନାରେ ଚାରିଆଡେ ବୁଲୁଥିବା ଦେଖିବାକୁ ମିଳିଛି । ଏହାକୁ ନେଇ କମିଶନରେଟ୍ ପୋଲିସ ପକ୍ଷରୁ ବିଶେଷ ବ୍ୟବସ୍ଥା କରାଯାଇଛି । ଅମାନିଆଙ୍କ ଉପରେ ସ୍ବତନ୍ତ୍ର ଭାବେ ଏବେ ରଖାଯିବ ନଜର ।
ଏପଟେ କୋଭିଡ ସ୍ଥିତିକୁ ଦୃଷ୍ଟିରେ ରଖି ସରକାର ଆଇଟିରେ ୫୦ ପ୍ରତିଶତ, ଇଣ୍ଡଷ୍ଟ୍ରିରେ ୫୦ ପ୍ରତିଶତ, କର୍ପୋରେଟ ସେକ୍ଟରରେ ୩୦ ପ୍ରତିଶତ, ପ୍ରାଇଭେଟ ଓ ସିଭିଲ ସୋସାଇଟର ୩୩ ପ୍ରତିଶତ କର୍ମଚାରି ନିୟୋଜିତ ପାଇଁ ଅନୁମତି ଦୋଇଛନ୍ତି । କିନ୍ତୁ କିଛି ଲୋକ ଫେକ୍ ପରିଚୟ ପତ୍ର ଦେଖାଇ ଏଣେତେଣେ ବୁଲୁଥିବା ପୋଲିସ ହତରେ ଧରାପଡ଼ିଛି । ତେଣୁ ଏନେଇ ଯେଉଁ କର୍ମଚାରି ନିୟୋଜିତ ହୋଇଛନ୍ତି ସେମାନଙ୍କ ତଥ୍ୟ ଦେବାକୁ କମିସନରେଟ ପୋଲିସ ସଂସ୍ଥାଗୁଡ଼ିକୁ ଅନୁରୋଧ କରିଛି । କମିସନରେଟ ପୋଲିସ ଓ ବିଏମସି ପକ୍ଷରୁ ଏଦିଗରେ ଏବେ କଡା ଚେକିଂ ହେବ ଓ କେବଳ କର୍ମଚାରିଙ୍କ ରହଣି ସ୍ଥଳରୁ ଅଫିସ ପର୍ଯନ୍ତ ଯିବା ଆସିବା ପାଇଁ ଅନୁମତି ରହିବ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
