ଭୁବନେଶ୍ବର: ରାଜ୍ୟ ରାଜଧାନୀରେ ବଦଳିଛି ଦେହ ବେପାରର ତରିକା । ବଦଳିଛି ଗ୍ରାହକ ଯୋଗାଡର ମାଧ୍ୟମ । ବଦଳିଛି ରେଟ ମୁଲଚାଲର ପ୍ରକ୍ରିୟା । ଧଡପଗଡ ଚାଲିଛି, ଚଢାଉ ହେଉଛି, ଦଲାଲ ଗ୍ରାହକ ଗିରଫ ହେଉଛନ୍ତି । ହେଲେ ବନ୍ଦ ହେଉନାହିଁ ଦେହ ବ୍ୟବସାୟ । ଆଗକୁ ଆସୁଛି ନୂଆବର୍ଷ । ଜମିବ ବେପାର । ରଙ୍ଗିନ ହେବ ରାତି । ଉଡିବ ଟଙ୍କା । ଆଉ ଏହାକୁ ସୁଯୋଗ ଭାବି ଦେଶର ଏକ ନମ୍ବର ସ୍ମାର୍ଟ ସିଟିରେ ପସାରା ମେଲାଇଛନ୍ତି ରୂପଜୀବୀ । ଏବେ ଖାଲି ବଙ୍ଗୀୟ ରୂପଜୀବୀ ନୁହଁନ୍ତି ଆମଦାନୀ ହେଇଛନ୍ତି ବାଂଲାଦେଶୀ ଯୁବତୀ । ଯାହାର ପ୍ରମାଣ ହେଉଛି ମଙ୍ଗଳବାର ଲକ୍ଷ୍ମୀସାଗର ଅଞ୍ଚଳରେ ଘଟିଥିବା ଘଟଣା ।
ଫେକ ଆଧାର କାର୍ଡରେ ବର୍ଡର ଭିତରେ ଏଣ୍ଟ୍ରି କରି ଚିପ ରେଟରେ ସେକ୍ସ ରାକେଟର ଡିଲ ହେଉଛି । ବଙ୍ଗୀୟ ଦଲାଲ ସାଜିଛନ୍ତି ମାଷ୍ଟରମାଇଣ୍ଡ, ଫାଇଦା ଉଠାଉଛନ୍ତି ବାଂଲାଦେଶୀ ରୂପଜୀବୀ। ଆଉ ବଦନାମ ହେଉଛି ଭୁବନେଶ୍ବର । ନକଲି ପରିଚୟ ପତ୍ର ଆଧାରରେ ଏବେ ରାଜଧାନୀରେ ଦେହ ବ୍ୟବସାୟ କରୁଛନ୍ତି ଅନେକ ବାଂଲାଦେଶୀ ଯୁବତୀ । ମାସ ମାସ ଧରି ରାଜଧାନୀରେ ତାଙ୍କ ପାଇଁ ରହୁଛି ହୋଟେଲ ବୁକିଂ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
