ଭୁବନେଶ୍ବର: ପଞ୍ଚାୟତ ନିର୍ବାଚନ ନେଇ ଚୂଡାନ୍ତ ତାଳିକା ପ୍ରକାଶ ପାଇବା ପରେ ଆଜି ରାଜ୍ୟ ନିର୍ବାଚନ କମିଶନ କେଉଁ ଦଳରୁ କେତେ ଜିଲ୍ଲା ପରିଷଦ ପ୍ରାର୍ଥୀ ଅଛନ୍ତି ତାହାର ତାଲିକା ଜାରି କରିଛନ୍ତି ।
ଶାସକ ବିଜେଡି ଦଳରୁ ମୋଟ ୮୫୧ ଜଣ ପ୍ରାର୍ଥୀ ଥିବାବେଳେ ବିଜେପି ପକ୍ଷରୁ ୮୪୮ ଜଣ ପ୍ରାର୍ଥୀ ମୈଦାନରେ ଅଛନ୍ତି । ଏହାସହ କଂଗ୍ରେସ ଦଳରୁ ୮୩୬ ଜୋନରେ ଦଳୀୟ ପ୍ରାର୍ଥୀ ଅଛନ୍ତି ।
ବହୁଜନ ସମାଜ ବାଦୀ ପାର୍ଟି(ବିଏସପି) ରୁ ୧୫୯ ସିପିଆଇ ରୁ ୩୮ , ସିପିଆଇ(ଏମ) ରୁ ୭୧ ଜଣ ଓ ଆମ ଆଦମୀ ପାର୍ଟିରୁ ୩୨ ଜଣ ଜିଲ୍ଲା ପରିଷଦ ପ୍ରାର୍ଥୀ ଅଛନ୍ତି ।
ଏହାବାଦ ମୋଟ ଜିଲ୍ଲା ପରିଷଦ ଜୋନରୁ ୨୯୮ ଜଣ ସ୍ବାଧୀନ ପ୍ରାର୍ଥୀ ବି ନିର୍ବାଚନ ଲଢ଼ୁଛନ୍ତି। ଜିଲ୍ଲା ପରିଷଦ ପାଇଁ ମୋଟ ୩ ହଜାର ୪୦୭ ଜଣ ପ୍ରାର୍ଥୀ ଥିବା ରାଜ୍ୟ ନିର୍ବାଚନ କମିଶନର ସୂଚନା ଦେଇଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
