ଭୁବନେଶ୍ବର: ଏଣିକି ପ୍ରଧାନ ଶିକ୍ଷକମାନେ ଦୈନିକ ଅତି କମରେ 2ଟି କ୍ଲାସ ନେବେ । ଏହା ସହ ଅନ୍ୟ ଶିକ୍ଷକଙ୍କ ପାଠପଢା ମଧ୍ୟ ତଦାରଖ କରିବେ । ଏନେଇ ସବୁ ଜିଲ୍ଲା ଶିକ୍ଷାଧିକାରୀଙ୍କୁ ଚିଠି ଲେଖି ନିର୍ଦ୍ଦେଶ ଦେଇଛି ସ୍କୁଲ ଓ ଗଣଶିକ୍ଷା ବିଭାଗ ।
ପ୍ରଧାନ ଶିକ୍ଷକ ହେଉଛନ୍ତି ସ୍କୁଲର ସବୁଠାରୁ ଅଭିଜ୍ଞ ଶିକ୍ଷକ । ଉଚ୍ଚ ଶିକ୍ଷିତ ମଧ୍ୟ । ତେଣୁ ତାଙ୍କର ପାଠପଢା ଶୈଳୀ ଅନ୍ୟ ସହକାରୀ ଶିକ୍ଷକଙ୍କ ଠାରୁ ଉନ୍ନତ । ଛାତ୍ରଛାତ୍ରୀ ମାନେ ଓ ଅନ୍ୟ ସହକାରୀ ଶିକ୍ଷକ ମାନେ ଅନେକ ଶିଖିବାକୁ ପାଇବେ ।
ନିକଟରେ କିଛି ସ୍କୁଲକୁ ପ୍ରମୁଖ ସଚିବ ପରିଦର୍ଶନରେ ଯାଇଥିଲେ । ସେମାନେ ପ୍ରଧାନଶିକ୍ଷକମାନେ ପାଠପଢାଉ ନ ଥିବା ଦେଖିବାକୁ ପାଇଥିଲେ । ପ୍ରଧାନଶିକ୍ଷକମାନେ କେବଳ ସ୍କୁଲ ପରିଚାଳନାରେ ଓ ଅନ୍ୟାନ୍ୟ ପ୍ରସଙ୍ଗରେ ବ୍ୟସ୍ତ ରହୁଥିବା ଦେଖିବାକୁ ପାଇଥିଲେ । ସେଥିପାଇଁ ସମସ୍ତ ଜିଲ୍ଲା ଶିକ୍ଷା ଅଧିକାରୀଙ୍କୁ ଏଭଳି ଚିଠି ଲେଖାଯାଇଛି ।
ଭୁବନେଶ୍ବରରୁ ଭବାନୀଶଙ୍କର ଦାସ, ଇଟିଭି ଭାରତ
