ଭୁବନେଶ୍ବର: ନମୂନା ପରୀକ୍ଷା ଦିଗରେ ଓଡିଶାକୁ ବଡ ସଫଳତା ମିଳିଛି। ପଜେଟିଭ ଚିହ୍ନଟ ପାଇଁ ଓଡିଶାରେ ଦିନକୁ 3 ହଜାରରୁ ଅଧିକ ପରୀକ୍ଷା କରାଯାଉଛି। ଗତକାଲି ସୁଦ୍ଧା ରାଜ୍ୟରେ ସମୁଦାୟ ପରୀକ୍ଷା 50 ହଜାର 514 ଜଣଙ୍କ ପରୀକ୍ଷା କରାଯାଇଛି। ଯାହା ଏକ ସଫଳତା ବୋଲି ଆଜି କୋରୋନାକୁ ନେଇ ହେଉଥିବା ପ୍ରେସ ବିବୃତିରେ କହିଛନ୍ତି ଏନଏଚଏମ ଏମଡି ଶାଳୀନ ପଣ୍ଡିତ ।
ତେବେ ଗତ 3 ମାସରୁ କୋଭିଡ ପରୀକ୍ଷା କରାଯାଉଛି। ଅଧିକ ମାତ୍ରରେ ପରୀକ୍ଷା କିପରି ଭାବରେ ପରୀକ୍ଷା କରାଯିବ ସେନେଇ ମଧ୍ୟ ଗୁରୁତ୍ବ ଦିଆଯାଉଛି। 1 ମାସ ପୂର୍ବରୁ କୋଭିଡ ପରୀକ୍ଷା 250 ଟେଷ୍ଟ କରାଯାଉଥିବାବେଳେ 15 ଦିନ ତଳେ 1000 ଟେଷ୍ଟ କରାଯାଇଛି। ହେଲେ ଏବେ ଦିନକୁ ରାଜ୍ୟର 8ଟି ଲାବ୍ରେ 3000ରୁ ଅଧିକ ଟେଷ୍ଟ କରାଯାଉଛି ବୋଲି ସେ ଦର୍ଶାଇଛନ୍ତି ।
ସେହିପରି ଭାରତରେ ଗତ 10 ଲକ୍ଷ ଜନସଂଖାରେ 983 ପରୀକ୍ଷା କରାଯାଉଥିବାବେଳେ ଓଡିଶାରେ 1155 ଟେଷ୍ଟ କରାଯାଉଛି। ବର୍ତ୍ତମାନ ସମୟରେ ରାଜ୍ୟରେ 8 ଟି ସ୍ଥାନରେ ପରୀକ୍ଷା କରାଯାଉଛି। ଆଗାମୀ ଦିନରେ ଆଉ 3 ଟି ପରୀକ୍ଷାଗାର କରାଯିବ। ତେବେ ପରୀକ୍ଷାର ମୂଳ ଲକ୍ଷ୍ୟ ଅଧିକ କେସ୍ ଧରିବା । ଆମେ ଏତେ ସଂଖ୍ୟକ ପରୀକ୍ଷା କରିଥିବାରୁ 206କୁ ଆକ୍ରାନ୍ତଙ୍କ ସଂଖ୍ୟା ଛୁଇଁଛି । ଏଥିରେ ଚିନ୍ତା କରିବାର ଆବଶ୍ୟକତା ନାହିଁ ବୋଲି ସେ ଦର୍ଶାଇଛନ୍ତି ।
ସେପଟେ ଆରଏମଆରସି ଭୁବନେଶ୍ବରରେ କୋଭିଡର ପ୍ରଥମ ପଜେଟିଭ ଟେଷ୍ଟ କରାଯାଇଥିଲା। ଆରଏମଆରସିରେ 7 ମାର୍ଚ୍ଚରୁ ଟେଷ୍ଟ ଆରମ୍ଭ ହୋଇଥିଲା। ରାଜ୍ୟରେ 8 ଟି ପରୀକ୍ଷାଗାରରେ ପରୀକ୍ଷା ସଂଖ୍ୟା 50 ହଜାର ଛୁଇଁଥିବାବେଳେ ଆରଏମଆରସିରେ କେବଳ 25 ହଜାର ଟେଷ୍ଟ ଅତିକ୍ରମ କରିଛି ଯାହା ଆରଏମଆରସି ପାଇଁ ଏକ ସଫଳତା ବୋଲି ଆରଏମଆରସିର ଅଧ୍ୟକ୍ଷା ସଂଘମିତ୍ରା ପତି କହିଛନ୍ତି ।
ତେବେ ଆରଏମଆରସିରେ 26318 ଟେଷ୍ଟ କରାଯାଇଥିବାବେଳେ ତିନି ଚତୁର୍ଥାଂଶ ପଜେଟିଭ ଚିହ୍ନଟ କରିବାରେ ସଫଳତା ହାସଲ କରିଛି। ଆରଏମଆରସିରେ ରହିଥିବା ମେସିନ ମାଧ୍ୟମରେ ଏହା ସଫଳତା ମିଳିଛି ସେ କହିଛନ୍ତି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
