ଭୁବନେଶ୍ବର: ଓଡିଶା ଆସୁଛନ୍ତି ରାଷ୍ଟ୍ରୀୟ ସ୍ବୟଂସେବକ ସଂଘ ମୁଖ୍ୟ ମୋହନ ଭାଗବତ । ୫ ଦିନିଆ ଓଡିଶା ଗସ୍ତରେ ଆସିବେ ସଂଘ ମୁଖ୍ୟ । ମଙ୍ଗଳବାର ସଂଧ୍ୟାରେ ଭାଗବତ ଭୁବନେଶ୍ବରରେ ପହଞ୍ଚିବେ ବୋଲି ଜଣାପଡିଛି ।
ସୂଚନା ଅନୁଯାୟୀ, ଓଡିଶା ଗସ୍ତ ସମୟରେ ରାଜ୍ୟରେ ସାଂଗଠନିକ ସ୍ଥିତି ସମ୍ପର୍କରେ ଆରଏସଏସ(RSS ) ନେତାଙ୍କ ସହ ଆଲୋଚନା କରିବେ ଭାଗବତ । ଏହାପରେ ସେ ପୁରୀ ଗସ୍ତରେ ଯିବେ ।
ଶ୍ରୀକ୍ଷେତ୍ର ଯାଇ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରିବେ ସଂଘ ମୁଖ୍ୟ । ଏହାସହିତ ଅଗଷ୍ଟ ୨୬ରେ ଗୋବର୍ଦ୍ଧନ ପୀଠରେ ଆଦି ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ବତୀଙ୍କୁ ଭେଟିବେ ଭାଗବତ । ଅନ୍ୟପକ୍ଷେ ଆରଏସଏସ ପକ୍ଷରୁ କୋଭିଡ କ୍ଷେତ୍ରରେ ଯୋଗାଇ ଦିଆଯାଉଥିବା ସେବାର ମଧ୍ୟ ସେ ସମୀକ୍ଷା କରିବେ ।
