ଭୁବନେଶ୍ବର: ଆଗକୁ ଭୁବନେଶ୍ବର ବିମାନ ବନ୍ଦରରେ ବିମାନ ସେବାରେ ବାଧା ଉପୁଜିବା ସ୍ପଷ୍ଟ । ଦିନେ କି ଦୁଇଦିନ ନୁହେଁ ପାଖାପାଖି 6 ମାସରୁ ଉର୍ଦ୍ଧ୍ବ ସମୟ ଧରି ଏହି ସମସ୍ୟା ଲାଗି ରହିବ। ଭୁବନେଶ୍ବର ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନବନ୍ଦର ରନୱେର ରିସର୍ଫେସିଂ କାର୍ଯ୍ୟ ହେବ।
ବିମାନ ବନ୍ଦରର ରିସର୍ଫେସିଂ ପାଇଁ ସମୟ ଧାର୍ଯ୍ୟ ହୋଇଛି। ଏଥିପାଇଁ ଚୁଡାନ୍ତ ନିଷ୍ପତ୍ତି ନିଆଯାଇଥିବା ବେଳେ, ଏହା ପୂର୍ବରୁ ପ୍ରାକ ପ୍ରସ୍ତୁତି ଆରମ୍ଭ କରାଯାଇଛି। ଦୁଇଟି ପର୍ଯ୍ୟାୟରେ ରିସର୍ଫେସିଂ କରାଯିବ । ପ୍ରଥମେ ରାତି ୧୦ ଟାରୁ ସକାଳ ୬ ଟା ପର୍ଯନ୍ତ ଓ ପରେ ସକାଳ ୧୦ ଟାରୁ ସଂନ୍ଧ୍ୟା ୬ ଟା ପର୍ଯ୍ୟନ୍ତ ଚାଲିବ ଏହି କାର୍ଯ୍ୟ। ଏନେଇ ରାତି ସମୟରେ ଅନେକ ଫ୍ଲାଇଟ ଅପରେସନ ନଥିବା ବେଳେ ଏଥିରେ କୌଣସି ଅସୁବିଧା ହେବ ନାହିଁ ବୋଲି ବିମାନ ବନ୍ଦରର ନିର୍ଦ୍ଦେଶକ କହିଛନ୍ତି । ସେଥିପାଇଁ ସମସ୍ତ ବିମାନ କମ୍ପାନୀ ସହ ଆଲୋଚନା କରାଯାଉଥିବା ଜଣାପଡିଛି । ଏନେଇ ସୂଚନା ଦେଇଛନ୍ତି ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନବନ୍ଦର ନିର୍ଦ୍ଦେଶକ ଭି ଭି ରାଓ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
