ଭୁବନେଶ୍ବର: ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କ ତରଫରୁ ରାଜ୍ୟର ସରକାରୀ ମାଧ୍ୟମିକ ବିଦ୍ୟାଳୟ ଗୁଡିକରେ ଖାଲି ଥିବା ହିନ୍ଦୀ ଶିକ୍ଷକ ପଦବୀ ପାଇଁ ଅନଲାଇନ ପରୀକ୍ଷାର ଫଳ ପ୍ରକାଶ ପାଇଛି ।
ମୋଟ ୯୫୩ ପ୍ରାର୍ଥୀ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ବେଳେ ତନ୍ମଧରୁ ୨୦୭ ଜଣ ସାଧାରଣ ବର୍ଗର, ୫୯୬ ଜଣ ଏସଇବିସି ବର୍ଗର, ୧୦୧ ଜଣ ଅନୁସୂଚିତ ଜାତି ଓ ୪୯ ଜଣ ଅନୁସୂଚିତ ଜନଜାତିର ପ୍ରାର୍ଥୀ ଅଟନ୍ତି ।
ଏହି ପ୍ରାର୍ଥୀମାନେ ତାଙ୍କ ପରୀକ୍ଷା ଫଳ ୱେବସାଇଟ dseodisha.in ରେ ଲଗଇନ କରି ଦେଖି ପାରିବେ । ପରୀକ୍ଷାରେ ସଫଳ ହୋଇଥିବା ପ୍ରାର୍ଥୀ ମାନଙ୍କର ଡ଼କୁମେଣ୍ଟ ଯାଞ୍ଚ ୨୯ ତାରିଖରୁ ଆରମ୍ଭ ହେବ। ଏହାସହ ସବିଶେଷ ସୂଚନା ଖୁବଶୀଘ୍ର ୱେବସାଇଟରେ ପ୍ରକାଶିତ ହେବ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
