ଭୁବନେଶ୍ବର: ପ୍ରାଥମିକ ଶ୍ରେଣୀ ପାଠପଢା ଆରମ୍ଭ କରିବାକୁ ଶିଶୁ ଅଧିକାର ସୁରକ୍ଷା ଆୟୋଗ ଅଧ୍ୟକ୍ଷା ସରକାରଙ୍କୁ ସୁପାରିଶ କରିଛନ୍ତି। ଗଣଶିକ୍ଷା ଓ ସ୍ବାସ୍ଥ୍ୟ ବିଭାଗକୁ ସୁପାରିଶ କରିଛନ୍ତି ଆୟୋଗ ଅଧ୍ୟକ୍ଷା ସଂନ୍ଧ୍ୟାବତୀ ପ୍ରଧାନ। ଏଥିସହିତ ଏସମ୍ପର୍କରେ ଏକ SOP ଆଣିବାକୁ ମଧ୍ୟ ସୁପାରିଶରେ ପରାମର୍ଶ ଦିଆଯାଇଛି ।
ଶିଶୁମାନଙ୍କୁ ସୁରକ୍ଷା ବଳୟ ଭିତରେ ରଖିବାକୁ ଏକ SOP ଜାରି କରିବାକୁ ସୁପାରିଶରେ ଦର୍ଶାଯାଇଛି । ଗତକାଲି ସବୁ SDMO, RMRC ନିର୍ଦ୍ଦେଶିକା, ସ୍ବାସ୍ଥ୍ୟ ବିଭାଗ ଅଧିକାରୀଙ୍କ ସହ କମିଶନ ଅଧ୍ୟକ୍ଷାଙ୍କ ସହ ଆଲୋଚନା ହୋଇଥିଲା । ଶିଶୁମାନେ ଦୀର୍ଘଦିନ ହେଲା ଘରେ ମାନସିକ ଭାବେ ଚାପଗ୍ରସ୍ତ ହେଉଛନ୍ତି । ଦୀର୍ଘଦିନ ଧରି ସ୍କୁଲ ବନ୍ଦ ରହିଲେ ଶାରୀରିକ ବିକାଶରେ ମଧ୍ୟ ବାଧକ ହେବ ବୋଲି ଅନେକ ବିଶେଷଜ୍ଞ ମତ ଦେଇଛନ୍ତି ।
ଏଥିପାଇଁ ଅଗ୍ରାଧିକାର ଭିତ୍ତିରେ 6ଷ୍ଠ ରୁ 8ମ ଶ୍ରେଣୀ ଖୋଲିବାକୁ ପରାମର୍ଶ ଦେଇଛନ୍ତି। ଦିନେ ଛଡ଼ା ଦିନେ ବା ଅଡ଼-ଇଭିନ ଫର୍ମୁଲା ବ୍ୟବହାର କରି ସ୍କୁଲ ଖୋଲିହେବ । ବିଦ୍ୟାଳୟ ଖୋଲିବା ପୂର୍ବରୁ ବିଦ୍ୟାଳୟ ପରିଚାଳନା କମିଟି (SMC) ସହିତ ପରାମର୍ଶ ନେବାକୁ ମଧ୍ୟ ପଡିବ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
