ଭୁବନେଶ୍ବର: ଚତୁର୍ଥ ଲହରରେ ବଢ଼ିପାରେ COVID-19 ସଂକ୍ରମିତଙ୍କ ସଂଖ୍ଯା । ତେବେ ସଂକ୍ରମଣ ସଂଖ୍ୟା ବୃଦ୍ଧି ହେଲେ ମଧ୍ୟ ଏହାର ଭୟାଭୟତା ରହିବ ନାହିଁ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର । ଏହାସହିତ ଚତୁର୍ଥ ଲହର କୋଭିଡ ମୁକାବିଲା ପାଇଁ ପ୍ରସ୍ତୁତ ରାଜ୍ୟ ସରକାର ପ୍ରସ୍ତୁତ ରହିବା ସହ କୋରୋନା ନିୟନ୍ତ୍ରଣରେ ରହିଛି ବୋଲି ଜନସ୍ବାସ୍ଥ୍ୟ ନିର୍ଦ୍ଦେଶକ କହିଛନ୍ତି ।
ଏଥିସହ ଚତୁର୍ଥ ଲହର ଆସିଲେ ବି କେସ୍ ଲୋଡ ବଢିବା ନାହିଁ, କାରଣ ଟୀକାକାରଣ ପାଇଁ ଲୋକଙ୍କ ଦେହରେ ହର୍ଡ ଇମ୍ୟୁନିଟି ବୃଦ୍ଧି ପାଇଛି । ଏଥିସହ ମେଡିକାଲ କମ ରୋଗୀ ଆଡମିଟ୍ ହୋଇ ପାରନ୍ତି ବୋଲି ସେ କହିଛନ୍ତି । କୋଭିଡ ସ୍ଥିତିକୁ ନେଇ ଭୟଭୀତ ହେବା ଦରକାର ନାହିଁ ।
ଅନ୍ୟପଟେ ରାଜ୍ୟରେ ବର୍ତ୍ତମାନ ସ୍ଥିତି ଭଲ ରହିଛି, ଏଣୁ ଜନସାଧାରଣ ସଚେତନ ଓ ସତର୍କ ରୁହନ୍ତୁ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର । ଏପଟେ ଚତୁର୍ଥ ଲହର ପ୍ରସଙ୍ଗରେ ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସ କହିଛନ୍ତି ଯେ, କୋଭିଡ ମୁକାବିଲା ପାଇଁ ପ୍ରସ୍ତୁତ, ସବୁ ପଦକ୍ଷେପ ନିଆଯାଇଛି । କୋଭିଡ ନିୟନ୍ତ୍ରଣରେ ରହିଥିବା ବେଳେ ଟୀକାକରଣ ମଧ୍ୟ ଠିକ୍ ଚାଲିଛି । ନିୟମିତ ସମୀକ୍ଷା ଚାଲିବା ସହ ଭୟଭୀତ ହେବାର ନାହିଁ ବୋଲି ସେ କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
