ଭୁବନେଶ୍ବର: ଖରସ୍ରୋତା ବଞ୍ଚାଓ ସଙ୍ଗଠନ ପକ୍ଷରୁ ବିଧାନସଭା ସମ୍ମୁଖରେ ଶତାଧିକ ମହିଳାଙ୍କ ସମତ ଯୁବକ ବିକ୍ଷୋଭ ପ୍ରଦର୍ଶନ କରିଛନ୍ତି । ଦିନକୁ ଦିନ ନଦୀରେ ମଧୁର ଜଳସ୍ତର ହ୍ରାସ ପାଇବା ସହ ନଦୀ ଉପରେ ବିଭିନ୍ନ ପ୍ରକଳ୍ପ ନିର୍ମାଣକୁ ଦୃଢ ବିରୋଧ କରିଛି ସଙ୍ଗଠନ ।
ତେବେ ଆନ୍ଦୋଳନକାରୀଙ୍କ ଦାବି ରହିଛି ଯେ ଭଦ୍ରକ ଜିଲ୍ଲାକୁ ପାଣି ଦେବାରେ ଆମର ଆପତ୍ତି ନାହିଁ କହିଛନ୍ତି ଶତାଧିକ ମହିଳା କିନ୍ତୁ ଖରସ୍ରୋତା ପାନୀୟ ଜଳର ପରିମାଣ ଦିନକୁ ଦିନ ହ୍ରାସ ପାଉଥିବାରୁ ଆଗାମୀ ଦିନରେ ଆଳି ଓ ରାଜକନିକା ଅଞ୍ଚଳର ଧନଜୀବନ ବିପନ୍ନ ହେବା ସହିତ ଭୂତଳ ଜଳ ଲବଣାକ୍ତ ହେବାର ଆଶଙ୍କା ରହିଛି ।
ତେଣୁ ଏହି ମେଗା ପ୍ରକଳ୍ପ କାର୍ଯ୍ୟକ୍ଷମ ପୂର୍ବରୁ ଖରସ୍ରୋତା ନଦୀରେ ଏକ ବ୍ୟାରେଜ ନିର୍ମାଣ କରାଯାଉ ବୋଲି କହିଛନ୍ତି ସଙ୍ଗଠନର କର୍ମୀମାନେ ଦାବି କରିଛନ୍ତି । ତେବେ ଆଳି ଓ ରାଜକନିକା ଅଞ୍ଚଳରେ ବିଶୁଦ୍ଧ ପାନୀୟ ଜଳ ଯୋଗାଣ ବ୍ୟବସ୍ଥା ଏବଂ ଚାଷ ଜମିକୁ ଖରସ୍ରୋତା ନଦୀରୁ ଉଠା ଜଳସେଚନ ପ୍ରକଳ୍ପ ଜରିଆରେ ଜଳସେଚିତ କରିବାକୁ ସଙ୍ଗଠନ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଏକ ଦାବି ପତ୍ର ପ୍ରଦାନ କରିବା ନେଇ ସୂଚନା ମିଳିଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
