ଭୁବନେଶ୍ବର: ପୋଲିସ ବିଭାଗରେ ଖାଲି ପଡିଥିବା ପଦବୀ ପୂରଣ ଦାବିରେ ପୋଲିସ ଅଧିକାରୀ ଆରକ୍ଷକ ଆଶାୟୀ ପ୍ରାର୍ଥୀଙ୍କ ଆନ୍ଦୋଳନ । ଦିନେ କି ଦୁଇ ଦିନ ନୁହେଁ ଦୀର୍ଘ 6 ମାସ ହେଲାଣି ଧାରଣାରେ ବସିଛନ୍ତି ଆଶାୟୀ ପ୍ରାର୍ଥୀ ।
ସେମାନଙ୍କ ଅଭିଯୋଗ ଅନୁଯାୟୀ, 2013 ମସିହାରେ ପୋଲିସ ବିଭାଗରେ ଚାକିରି ପାଇଁ 844ଟି ପଦବୀ ବାହାରିଥିଲା। ଏଥିପାଇଁ ଲକ୍ଷଲକ୍ଷ ଆଶାୟୀ ପ୍ରାର୍ଥୀ ପରୀକ୍ଷା ଦେଇଥିଲେ । ବହୁ ପ୍ରତୀକ୍ଷା ପରେ 7 ଡିସେମ୍ବର 2016 ଏହାର ରେଜଲ୍ଟ ବାହାରିଥିଲା । ପଦବୀ ପୂରଣ ହେଲା କିନ୍ତୁ 100ରୁ ଊର୍ଦ୍ଧ୍ବ ପଦବୀ ଏବେ ପର୍ଯ୍ୟନ୍ତ ବି ପୂରଣ ହୋଇପାରିନାହିଁ । ଏହି ପଦବୀ ପାଇଁ ଅନେକ ଦାବିଦାର ଥିବାବେଳେ ଏ ପର୍ଯ୍ୟନ୍ତ ସରକାର ଖାଲି ପଡିଥିବା ପଦବୀ ପୂରଣ କରିନାହାନ୍ତି ।
ତେଣୁ ସପ୍ଲିମେଣ୍ଟାରୀ ଲିଷ୍ଟରେ ଥିବା ଦାବିଦାର ମାନଙ୍କୁ ନିଯୁକ୍ତି ପାଇଁ ଦାବି ହୋଇଛି । ସରକାର ଯଦି ସେମାନଙ୍କ ଦାବି ପୂରଣ ନ କରନ୍ତି ଆଗକୁ ଆନ୍ଦୋଳନ ତିବ୍ରତର କରିବାକୁ ଚେତାବନୀ ଦେଇଛନ୍ତି ଆନ୍ଦୋଳନକାରୀ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
