ଭୁବନେଶ୍ବର: ଜାତୀୟ ରାଜପଥ 60 ବାଲେଶ୍ବର-ଖଡ଼ଗପୁର ସେକ୍ସନ ରାସ୍ତାକୁ 6 ଲେନ ବିଶିଷ୍ଟ କରିବା ପାଇଁ କେନ୍ଦ୍ର ସଡକ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡକରୀଙ୍କୁ ମଙ୍ଗଳବାର କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଚିଠି ଲେଖିଛନ୍ତି ।
ଏହି ଅଞ୍ଚଳରେ ରାସ୍ତାର ଉନ୍ନତିକରଣ ଆର୍ଥିକ ବିକାଶରେ ସହାୟକ ହେବ ବୋଲି କେନ୍ଦ୍ରମନ୍ତ୍ରୀ ଚିଠିରେ ଦର୍ଶାଇଛନ୍ତି । ଏହି ରାସ୍ତା ରାଜ୍ୟର ବାହାରକୁ ସଂଯୋଗ କରୁଛି । ବାଲେଶ୍ବର, ମେଦିନାପୁର ଓ ଖଡଗପୁରର ଲୋକମାନେ ଏହି ରାସ୍ତା ନିର୍ଭର କରିଥାନ୍ତି । ଏଣୁ ଏହି ରାସ୍ତାରେ ଉନ୍ନତି ହେଲେ ସ୍ଥାନୀୟ ଲୋକ ଉପକୃତ ହେବା ସହିତ ସେମାନଙ୍କ ଆର୍ଥିକ ବିକାଶରେ ଉନ୍ନତି ଘଟିବ ।
ତେବେ 2011-12 ମସିହାରେ ଏହି ପ୍ରକଳ୍ପ ହେବାକୁ ଥିବା ବେଳେ କୌଣସି କାରଣରୁ ଏହା କାର୍ଯ୍ୟକାରୀ ହୋଇପାରିନାହିଁ । ଅଟକି ରହିଯାଇଥିବା ଏହି କାର୍ଯ୍ୟକୁ ତ୍ବରାନ୍ବିତ କରିବା ପାଇଁ କେନ୍ଦ୍ରମନ୍ତ୍ରୀ ପ୍ରତାପ ଚିଠିରେ ଦର୍ଶାଇଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
