ଭୁବନେଶ୍ବର: କୋରୋନା ପାଇଁ କଟକଣା । ରାଜ୍ୟବ୍ୟାପୀ ପାଳନ ହେଉଛି ଜନତା କର୍ଫ୍ୟୁ । ଅତ୍ୟାବଶ୍ୟକ ନଥିଲେ ବାହାରିବାକୁ ମନା । ସେପଟେ ଜରୁରୀ ସେବା ପାଇଁ ମିଳୁଛି ପୋଲିସ ପାସ ସୁବିଧା । କଣ୍ଟ୍ରୋଲ ରୁମ 100କୁ ଡାଏଲ କଲେ ଏସଏମଏସ ଜରିଆରେ ଏମରଜେନ୍ସି ପୋଲିସ ପାସର ସୁବିଧା ମିଳିବ । ପ୍ରଶାସନିକ ଅଧିକାରୀ ବା ତାଙ୍କ କାର୍ଯ୍ୟାଳୟର କର୍ମଚାରୀଙ୍କ ପାଇଁ ଅଫିସ ଯିବାକୁ ମିଳିବ ପାସ ସୁବିଧା । ଏଥିପାଇଁ ନିକଟସ୍ଥ ଥାନାକୁ ଯୋଗାଯୋଗ କରି ନେଇ ପାରିବେ ପାସ ।
ରାଜ୍ୟ ସରକାରଙ୍କ ଅଧିନରେ ଯେଉଁ ଅଫିସ ଖୋଲା ରହିବା ନିହାତି ଆବଶ୍ୟକ ସେମାନେ ବି ଆଇଆଇସିଙ୍କୁ ଯୋଗାଯୋଗ କରି ପାସ ନେବେ । ସୋମବାର ଠାରୁ କଡାକଡି ହେବ ପାସ ବ୍ୟବସ୍ଥା। ଟ୍ରେନ, ବସ କିମ୍ବା ବିମାନ ଯାତ୍ରୀ ପାଖରେ ଟିକେଟ ରଖିବା ବାଧ୍ୟତାମୂଳକ । ଏହା ସହ ଆସନ୍ତାକାଲି ସମସ୍ତ ଗୋଟିଏ ଜିଲ୍ଲାରୁ ଅନ୍ୟ ଜିଲ୍ଲାକୁ ଯିବାକୁ ବାରଣ କରାଯାଇଛି । ସରକାରୀ କାର୍ଯ୍ୟରେ ନିୟୋଜିତ ଥିବା ଗାଡିଗୁଡିକୁ ସେମାନଙ୍କ ବିଭାଗ ମୁଖ୍ୟଙ୍କ ଠାରୁ ଭେଇକିଲ ପାସ ନେବାକୁ ଅନୁରୋଧ । ନଚେତ ସହରର ବିଚରଣ ବେଳେ ସାମ୍ନା କରିବେ ସମସ୍ୟା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
