ଭୁବନେଶ୍ବର: ଫିଲ୍ମ ଷ୍ଟାଇଲରେ ଅପରାଧିକୁ ଧରିଲା ପୋଲିସ । ମହିଳାଙ୍କ ଠୁ ସୁନାଚେନ ଲୁଟିନେଇ ଫେରାର୍ ମାରୁଥିବା ଚୋରକୁ ଗୋଡାଇ ଗୋଡାଇ ଧରିଛି ପୋଲିସ । ଏପରି ଏକ ଘଟଣା ଦେଖିବାକୁ ମିଳିଛି ରାଜଧାନୀରେ ।
ଚେନ ଝାମ୍ପିନେଇ ଛୁ ମାରୁଥିଲାଲା ଦୁର୍ବୃତ୍ତ । ବରମୁଣ୍ଡା ବସଷ୍ଟାଣ୍ଡରେ ଏଭଳି ଘଟଣା ପରେ ମହିଳା ଜଣକ ଚିତ୍କାର କରିବାକୁ ଲାଗିଲେ । ମହିଳାଙ୍କ ପାଟି ଶୁଣି ନିକଟରେ ଥିବା ପିସିଆର ବାଇକ ଧରି ଚୋର ପଛରେ ଗୋଡାଇବା ଆରମ୍ଭ କରିଦେଇଥିଲେ । ଲୁଟେରାଙ୍କ ଗାଡିର ବେଗ ଯେତେ ଜୋରରେ ବଢୁଥାଏ, ପିସିଆର ସେତିକି ଗର୍ଜନରେ ଗୋଡାଉଥାଏ, ଆଉ ୱାକି ଟକିରେ କମାଣ୍ଡ ଦେଇ କଣ୍ଟ୍ରାଲ ରୁମକୁ ଜଣାଇବା ପରେ ଅପରାଧିକୁ ସାମ୍ନାପଟୁ ପିସିଆର ଭ୍ଯାନ ଅଟକାଇଥିବା ଲୁଟେରାଙ୍କ ଗାଡିକୁ ।
ଶୁକ୍ରବାର ଏମିତି ଢଙ୍ଗରେ ବରମୁଣ୍ଡା ବ୍ରିଜ କଡରେ ପଦ୍ମାଳୟା ବସ ନିକଟରେ ଗଞ୍ଜାମ ଯିବାକୁ ଥିବା ମହିଳାଙ୍କ ଠୁ ଝାମ୍ପିଥିବା ସୁନାଚେନ ସୁଟେରାଙ୍କୁ ଧରିଛି ପୋଲିସ । ଗିରଫ ହୋଇଥିବା ଅଭିଯୁକ୍ତ ବତିଗ୍ରାମ ଏରସମା ଜଗତସିଂହପୁରର ବିକ୍ରମ ବିଶ୍ବାଳ ବୋଲି ଜଣାପଡିଛି । ତାଙ୍କ ନିକଟରୁ ୧୫ ଗ୍ରାମ ଏବଂ ୧୦ ଗ୍ରାମର ସୁନା ଚେନ ପୋଲିସ ଜବତ କରିଛି । ତେବେ ପୋଲିସର ଏପରି ଅପରାଧି ଧରିବା ଷ୍ଟାଇଲକୁ ସ୍ଥାନୀୟ ଅଞ୍ଚଳରେ ବେଶ୍ ଚର୍ଚ୍ଚା ହେଉଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
