ଭୁବନେଶ୍ବର: ଫେବୃଆରୀ 10 ରୁ ଯୁକ୍ତ 3 ଦ୍ବିତୀୟ ବର୍ଷ ଓ ପିଜି ପାଠପଢା ଆରମ୍ଭ ହେବ । ଏଥିପାଇଁ ଫେବୃଆରୀ 8ରୁ କଲେଜ ଓ ବିଶ୍ବବିଦ୍ୟାଳୟରେ ହଷ୍ଟେଲ ଖୋଲିବ। ଶ୍ରେଣୀଗୃହ ଓ ହଷ୍ଟେଲରେ କୋଭିଡ 19 ନିୟମାବଳୀ ଅନୁଯାୟୀ ପାଠପଢା ଆରମ୍ଭ ହେବ ।
ମାସ୍କ ବାଧ୍ୟତାମୂଳକ ସହ ଶ୍ରେଣୀଗୃହ, ଲାଇବ୍ରେରୀ ଓ ଲାବ୍ରୋଟେରୀରେ 6ଫୁଟର ସାମାଜିକ ଦୂରତା ରଖାଯିବ। ହାତ ଧୋଇବା ଓ ସାନିଟାଇଜ ମଧ୍ୟ ବାଧ୍ୟତାମୂଳକ ରହିଛି। ସେହିପରି ତିନି ବର୍ଷ ୟୁଜି କୋର୍ସର ତୃତୀୟ ସେମିଷ୍ଟାର ଏବଂ 4ବର୍ଷ ୟୁଜି କୋର୍ସର ପଞ୍ଚମ ସେମିଷ୍ଟର ପରୀକ୍ଷା ଅପ୍ରେଲ19 ରୁ ଅପ୍ରେଲ 30 ମଧ୍ୟରେ ହେବ। ମେ 31 ରେ ଫଳ ପ୍ରକାଶ ପାଇବ ।
ସେହିପରି ପିଜି ପ୍ରଥମ ବର୍ଷ ସେମିଷ୍ଟର ପରୀକ୍ଷା ଜୁନ7 ରୁ ଜୁନ19 ପର୍ଯ୍ୟନ୍ତ ହେବ। ଜୁଲାଇ 20 ତାରିଖ ସୁଦ୍ଧା ପ୍ରକାଶ ପାଇବ ରେଜଲ୍ଟ। ଏନେଇ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
