ଭୁବନେଶ୍ବର: ଖୁବଶୀଘ୍ର ରାଜ୍ୟ କଂଗ୍ରେସକୁ ମିଳିବ ନୂଆ ସଭାପତି । ରାଜସ୍ଥାନ ଗସ୍ତରେ ଯାଇଛନ୍ତି ନିରଞ୍ଜନ ପଟ୍ଟନାୟକ । ଦିଲ୍ଲୀ ଦେଇ ରାଜସ୍ଥାନ ଉଦୟପୁର ଚିନ୍ତନ ଶିବିରରେ ଯୋଗ ଦେବେ ନିରଞ୍ଜନ । ନେତୃତ୍ବ ସଂକଟରେ ଦେଇ ଗତି କରୁଥିବା ସଂଗଠନ ସୁଦୃଢ ସହ ଶାସନକୁ ଫେରିବାକୁ ଏହି ଚିନ୍ତନ ଶିବିରରେ ଏକାଠି ହେଉଛନ୍ତି କଂଗ୍ରେସ ନେତା ।
ରାଜସ୍ଥାନ ଗସ୍ତରେ ନିରଞ୍ଜନ ପଟ୍ଟନାୟକ, ଶୁକ୍ରବାରଠୁ ଚିନ୍ତନ ବୈଠକ
ଆଗାମୀ ବ୍ରଜରାଜନଗର ଉପନିର୍ବାଚନ ପୂର୍ବରୁ ରାଜ୍ୟ କଂଗ୍ରେସକୁ ନୂଆ ସଭାପତି ମିଳିବା ସମ୍ଭାବନା ରହିଛି । ଚିନ୍ତନ ଶିବିର ବୈଠକ ପରେ ସଭାପତିଙ୍କ ନାମ ଘୋଷଣା ହେବ । ଶୁକ୍ରବାରଠୁ ରାଜସ୍ଥାନରେ ଆରମ୍ଭ ହେଉଛି କଂଗ୍ରେସର ଚିନ୍ତନ ଶିବିର ବୈଠକ । ରାଜସ୍ଥାନ ଉଦୟପୁରରେ ଆସନ୍ତା 13 ରୁ 15 ଯାଏ ହେବାକୁ ଥିବା ଚିନ୍ତନ ଶିବିରରେ ଯୋଗ ଦେବେ AICC ସମ୍ପାଦକ । ଏନେଇ ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
ଭୁବନେଶ୍ବରରୁ ସଞ୍ଜୀବ କୁମାର ରୟ, ଇଟିଭି ଭାରତ
