ଭୁବନେଶ୍ବର: ସ୍କୁଲ ଫି ଛାଡ ନିର୍ଦ୍ଦେଶର ତୃଟି ସୁଧାର ତୁରନ୍ତ ସ୍ପଷ୍ଟ ନିର୍ଦ୍ଦେଶ ନଆଣିଲେ ଆସନ୍ତା 18ରେ ମନ୍ତ୍ରୀ ଓ ସଚିବଙ୍କ ଘର ଆଗରେ ଆମରଣ ଅନଶନ, ଓଡିଶା ଅଭିଭାବକ ମହାସଂଘ ।
ସ୍କୁଲ ଫିକୁ ନେଇ ନିର୍ଦ୍ଦେଶରେ ପରିବର୍ତ୍ତନ କରି ଆଗାମୀ ବର୍ଷ ଭିତରେ ପୁରୁଣା ପଇସା ପୈଠ ପାଇଁ ଆଉ ଏକ ନିର୍ଦ୍ଦେଶନାମା ଆଣିବାକୁ ମୁଖ୍ୟମନ୍ତ୍ରୀ, ମୁଖ୍ୟସଚିବଙ୍କୁ ଦାବି କରିଛି । ଯଦି ଆସନ୍ତା 17ରେ ମଧ୍ୟରେ ଏହି ପରିବର୍ତ୍ତିତ ନିର୍ଦ୍ଦେଶ ନଆଣନ୍ତି ତେବେ ବାଧ୍ୟ ହୋଇ 18 ତାରିଖ ଦିନ ଗଣଶିକ୍ଷା ମନ୍ତ୍ରୀ ଓ ସଚିବଙ୍କ ଘର ଆଗରେ ଅଭିଭାବକ ମହାସଂଘ ଆମରଣ ଅନଶନ କରିବ ବୋଲି ଚେତାବନୀ ଦେଇଛି।
ସୁପ୍ରିମ କୋର୍ଟଙ୍କ ରାୟ ପରିପ୍ରେକ୍ଷୀରେ ରାଜ୍ୟ ସରକାର ପୂର୍ବରୁ ଏମ.ଓ.ୟୁ କରିଥିବା ସ୍କୁଲକୁ ଛାଡି ଅନ୍ୟ ସମସ୍ତ ସ୍କୁଲ ପାଠ ପଢ଼ା ଜନିତ ବ୍ୟବହାର ସ୍କୁଲ ଫିରୁ 15% ପ୍ରତିଶତ ଫି ଛାଡ଼ କରି ଫି ଆଦାୟ ପାଇଁ ନିର୍ଦ୍ଦେଶନାମା କରିଥିଲେ । ଯେହେତୁ ଅନଲାଇନ କ୍ଲାସ ହେଉଛି ତେଣୁ ପାଠପଢ଼ା ଜନିତ ବା ବ୍ୟବହାର ଜନିତ ଫିରୁ 15% କାଟି କେବଳ ଫି ଆଦାୟ ହେବ ଓ ଅନ୍ୟ ସବୁ ଅବ୍ୟବହୃତ ଫି ଆଦାୟ ହେବନି l ଯଥା ଇଲେଟ୍ରିକ, ଗାଡି, ସ୍କୁଲ ଖର୍ଚ୍ଚ, ଖେଳ, ସେସନ, ରିଆଡ଼ମିସନ, ବିକାଶ ଖର୍ଚ୍ଚ ଓ ଅନ୍ୟାନ୍ୟ ଅଦରକାରୀ ଖର୍ଚ୍ଚ ଆଦାୟ ନକରି କେବଳ କର୍ମଚାରୀ ଦରମା ଓ ଅନଲାଇନ କ୍ଲାସ ଖର୍ଚ୍ଚ ଆଦାୟ ହେବ l
ସମୁଦାୟ ଖର୍ଚ୍ଚରୁ 15% ଛାଡ ହେବା ପାଇଁ ନିର୍ଦ୍ଦେଶ ଦିଆଯାଇଛି l ଆମ ରାଜ୍ୟରେ ଭିନ୍ନ ଭିନ୍ନ ସ୍କୁଲ ମାନେ ଭିନ୍ନ ଉପାୟରେ ଫି ଜବରଦସ୍ତି ଆଦାୟ କରୁଛନ୍ତି l ତେଣୁ, କେମିତି ଓ କେଉଁ ଭିତ୍ତିରେ ସ୍କୁଲ ଫିରୁ ଏହି 15% ଛାଡ଼ କରିବେ ସେମିତି କିଛି ସ୍ପଷ୍ଟ ନିର୍ଦ୍ଦେଶ ଏହି ବିଜ୍ଞପ୍ତିରେ ନାହିଁ l ସରକାରଙ୍କ ନିର୍ଦ୍ଦେଶ ମୁତାବକ ଅବ୍ୟବହୃତ ସୁବିଧାର ଫି ପିଲାମାନେ ଦେବେନି l ସ୍କୁଲ ଦେଉଥିବା ଅନ୍ୟାନ୍ୟ ସୁବିଧା ଏ ବର୍ଷ ପିଲାମାନେ ବ୍ୟବହାର କରି ନାହାନ୍ତି l ତେଣୁ ସେହି ଭିତିରେ ସମସ୍ତ ସ୍କୁଲରେ ଅବ୍ୟବହୃତ ସୁବିଧାକୁ ବାଦ ଦେଇ ଫିରୁ 15% ଛାଡ଼ କଲେ ନିର୍ଦ୍ଦେଶ ସଠିକ ଅନୁପାଳନ ହୋଇପାରିବ l ଏହାକୁ ସ୍ପଷ୍ଟ କରି ଜିଲ୍ଲା ଶିକ୍ଷା ଅଧିକାରୀ ମାନଙ୍କୁ ନିର୍ଦ୍ଦେଶ ଦେବା ପାଇଁ ମହାସଂଘ ଲିଖିତ ଭାବେ ଜଣେଇଛି l ଯେହେତୁ କେରଳ, ରାଜସ୍ଥାନ ଭଳି ଆମର ଫି ଆଦାୟକୁ ନେଇ କୌଣସି ସ୍ପଷ୍ଟ ନୀତି ନିର୍ଦ୍ଦେଶ ନାହିଁ, ତେଣୁ ଆଜି ଏ ଅସୁବିଧା ସୃଷ୍ଟି ହୋଇଛି l
ସେପଟେ ଗଣଶିକ୍ଷା ବିଭାଗ ଦେଇଥିବା ନିର୍ଦ୍ଦେଶ ନାମାରେ ଅନେକ ଭ୍ରମାତ୍ମକ ଓ ଦ୍ଵନ୍ଦାତ୍ମକ ଓ ଗୋଳାମାଳିଆ ନିର୍ଦ୍ଦେଶ ରହିଛି, ଯାହା ଫଳରେ ସ୍କୁଲ ମାଫିଆ ମlନେ ଏହାର ସୁଯୋଗ ନେଇ ଲୁଟିବା ଆରମ୍ଭ କରିଦେବେ l ଯେଉଁ ସ୍କୁଲ ମାନେ ନମାନିବେ ତାଙ୍କ ବିରୋଧରେ କିଛି କାର୍ଯ୍ୟାନୁଷ୍ଠାନର କୌଣସି ଉଲ୍ଲେଖ ନିର୍ଦ୍ଦେଶନାମାରେ ନାହିଁ l ପୂର୍ବରୁ ଅନଲାଇନ ଶିକ୍ଷାଦାନ ହେଉଥିବା ଦୃଷ୍ଟିରୁ ଶିକ୍ଷାଦାନ ଜନିତ ଫିରେ ଛାଡ଼ ବ୍ୟତିତ ଅନ୍ୟାନ୍ୟ ସବୁ ଫିକୁ ସ୍କୁଲ ନଖୋଲିବା ପର୍ଯ୍ୟନ୍ତ ଆଦାୟ ନକରିବାକୁ ମାନ୍ୟବର ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶର ଏମଓୟୁରେ ଥିଲା l ସ୍କୁଲ ଗୁଡିକ ଏପର୍ଯ୍ୟନ୍ତ ଖୋଲି ନାହିଁ l ତେଣୁ ସ୍କୁଲ ନଖୋଲିବା ପର୍ଯ୍ୟନ୍ତ ସବୁ ନିର୍ଦ୍ଦେଶର ପାଳନ ହେବା ଉଚିତ କଥା l
ଏସବୁକୁ ଲକ୍ଷ ରଖି ଅଭିଭାବକ ମହାସଂଘ ଏହି ନିର୍ଦ୍ଦେଶରେ ପରିବର୍ତ୍ତନ କରି ଆଗାମୀ ବର୍ଷ ଭିତରେ ପୁରୁଣା ପଇସା ପୈଠ ପାଇଁ ଆଉ ଏକ ନିର୍ଦ୍ଦେଶନାମା ଆଣିବାକୁ ମୁଖ୍ୟମନ୍ତ୍ରୀ, ମୁଖ୍ୟସଚିବଙ୍କୁ ଦାବି କରିଛି l ଯଦି ଆସନ୍ତା 17 ତାରିଖ ମଧ୍ୟରେ ଏହି ପରିବର୍ତ୍ତିତ ନିର୍ଦ୍ଦେଶ ନାମା ନଆଣନ୍ତି ତେବେ ବାଧ୍ୟ ହୋଇ 18 ତାରିଖ ଦିନ ଗଣଶିକ୍ଷା ମନ୍ତ୍ରୀ ଓ ସଚିବଙ୍କ ଘର ଆଗରେ ମହାସଂଘ ଆମରଣ ଅନଶନ କରିବ ବୋଲି ଓଡିଶା ଅଭିଭାବକ ମହାସଂଘର ଅଧକ୍ଷ୍ୟ ବାସୁଦେବ ଭଟ୍ଟ ଚେତାବନୀ ଦେଇଛନ୍ତି l
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
